वडा खबर सम्वाददाता

७ कार्तिक,काठमाडौं । प्रधानमन्त्री पुष्पकमल दाहालले विजया दशमीको अवसरमा मंगलबार शुभकामना व्यक्त गर्नुभएको छ । मंगलबार शुभकामना सन्देश जारी गर्दै दिंदै उहाँले  सुशासन र सामाजिक न्यायको प्रत्याभूतिसहित जनताको जीवनमा सकारात्मक परिवर्तन ल्याउन सरकार क्रियाशील रहेको बताउनुभएको छ।  सरकारको यस प्रयासमा सम्पूर्ण जनसमुदायले व्यक्त गरेको ऐक्यवद्धता समुन्नत राष्ट्र निर्माणका निम्ति महत्वपूर्ण रहेको समेत उहाँले बताउनुभयो । जात, वर्ग, धर्म लिङ्ग, वर्ण, भूगोल, आस्था र सम्प्रदायको सोचबाट माथि उठेर मुलुकको विकासमा लाग्न उहाँले सबैसँग आग्रह गर्नुभएको छ । विकास निर्माणमा देखा पर्ने परम्परागत शैली, संरचना ,प्रणालीको अवरोधलाई दृढ अठोटका साथ राष्ट्र, राष्ट्रियता र जनताको हितलाई केन्द्रमा राखेर छिचोल्न सकिने जारी शुभकामना सन्देशमा…

६ कार्तिक,काठमाडौं। राष्ट्रपति रामचन्द्र पौडेलले बडादशैंको अवसरमा नवदुर्गाको अवतार स्वरुप महानवमीको दिन सोमबार नवकन्याको पूजा अर्चना गर्नुभएकाे छ। विशेष समारोहकाबीच राष्ट्रपति पौडेलले शीतल निवासमा नवकन्याको पूजा गर्नुभएकाे हाे। सोही अवसरमा राष्ट्रपति पौडेलले नवकन्याको गोडा धोएर, टीका लगाई, उपहार समेत प्रदान गर्नुभएकाे छ। दशैंकाे अवसरमा महानवमीको दिनमा राष्ट्रप्रमुखले प्रत्येक वर्ष नवकन्याको पूजा गर्ने प्रचलन रहेकाे छ। दुर्गा भगवतीको शैलपुत्री, ब्रह्मचारिणी, चन्द्रघण्टा, कुष्माण्डा, स्कन्दमाता, कात्यायनी, कालरात्री महागौरी र सिद्धिदात्रीका रूपमा नौ रूपको पूजा गर्ने गरिन्छ ।