बडादशैं

९ कार्तिक, काठमाडौं। आश्विन शुक्ल द्वादशीका दिन आज (बिहीबार) पनि नवदुर्गाको प्रसाद टीका–जमरा थाप्न र आशीर्वाद लिने क्रम जारी रहेकाे छ । दुर्गा देवी विसर्जन गरेपछि विजयादशमीका दिनदेखि सुरु भएको प्रसाद लगाउने र मान्यजनबाट आशीर्वाद लिने क्रम कोजाग्रत पूर्णिमाका दिनसम्म जारी रहन्छ । नेपालका केही जिल्लामा भने विजया दशमीका दिन मात्र टीका–जमरा लगाउने र आशीर्वाद थाप्ने चलन छ । नेपाल पञ्चाङ्ग निर्णायक विकास समितिले भने कोजाग्रत पूर्णिमाका दिन अखिल बली पूर्ति नभएसम्म नवदुर्गाको प्रसाद लगाउन शास्त्रीय रूपमा कुनै बाधा नरहेको जनाएकाे छ। बिहानदेखि राजधानी काठमाडौं उपत्यकामा बिहीबार बिहानदेखि केही चहलपहल देखिन थालेको छ । दशैं मनाउन गाउँ जानेहरू भने बुधबारदेखि…

८ कार्तिक,काठमाडौं। बडादशैँको टीकाको दोश्रो दिन बुधबार पनि मान्यजनको हातबा टीका लगाउने क्रम जारी रहेकाे छ। नवरात्रभरी नवदुर्गा भवानीको पूजा गरेर विजयादशमीको दिन देवीको प्रसाद लगाउने गरिन्छ । आफ्नो घर तथा नजिकका आफन्तसँग दशैंको दिन मान्यजनको हातबाट टीका लगाइन्छ भने टाढा रहेका मामाघर, ससुराली तथा अन्यको हातबाट पूर्णिमासम्म टीका लगाउने परम्परा रहेको छ । कोजाग्रत पूर्णिमाका दिन जमरालाई विसर्जन गरेपछि दशैंकाे टीका सम्पन्न हुन्छ।

७ कार्तिक,काठमाडौं । नेपालीहरूकाे महान पर्व विजया दशमी अर्थात दुर्गापक्षको मुख्य दिन आज (मंगलबार) नवदुर्गाको प्रसादका रूपमा मान्यजनको हातबाट रातो टीका एवं समृद्धिको प्रतिक जमरा लगाएर आशिर्वाद लिएर मनाइँदैछ। टीका–जमरा ग्रहण गर्ने शुभ साइत नेपाल पञ्चाङ्ग निर्णायक विकास समितिले मंगलबार बिहान ११ बजेर २ मिनेटमा उत्तम साइत रहेको जनाएको हाे । मंगलबार टीका लगाउनु भन्दा पहिले दुर्गा विसर्जन गरिन्छ । दुर्गा विसर्जन गर्नका लागि नेपाल पञ्चाङ्ग निर्णायक विकास समितिले १० बजेर ३७ मिनेटको साइत तोकिदिएको छ । विजया दशमी आफैंमा शुभ दिन भएकाले मंगलबार टीका लगाउन सामान्य मानिसले साइत खोज्नु नपर्ने मान्यता समेत रहेकाे छ । मंगलबार टीकाको दिन कसैलाई…

१ कार्तिक, काठमाडौं । बडादशैंको चौंथो दिन बुधबार कुष्माण्डा भगवतीको पूजा आराधना गरिंदैछ । यस दिन शक्तिपीठ, देवीमन्दिर तथा घरघरका पूजाकोठाहरुमा देवी भवानी कुष्माण्डा माताको पूजा आराधना गर्ने गरिन्छ । कुष्माण्डा मातालाई शुभकर्म थालनी वा सृष्टिको प्रतिकको रुपमा पूजा गरिन्छ । आफ्नो उदरमा त्रिविध ताप धारण गरी संसारको सृष्टि गर्न कुष्माण्डा देवीको आविर्भाव भएको ग्रन्थहरुमा उल्लेख छ । कुष्माण्डा देवीलाइ उष्ण रक्तसमूह मानव, चराचरुङ्गी तथा शीतरक्त समूह माछा, सर्पलगायतका सारा प्राणीको सिर्जना शक्ति भएकी माता भनेर शास्त्रहरुमा उल्लेख गरेको पाइन्छ। यी देवीको वदनवर्ण वैजनी छ भने उनी सिंहमा चढेकी छन् । कुष्माण्डा माताले हातमा रक्तपूर्ण दुई वटा घडा लिएकी छन्…

३० असाेज,काठमाडौं । बडादशैंको मंगलबार तेस्रो दिन, माता दुर्गाको तेस्रो शक्तिस्वरुप चन्द्रघण्टा देवीको पूजाआराधना गरी मनाईँदैछ । यी देवीको १० वटा हात र १० हातमा खड्ग, वाण आदि शस्त्र,अस्त्र हुने विश्वास गरिन्छ । उनको टाउकोमा घण्टाको आकारको अर्धचन्द्र छ, यही कारणले गर्दा यीनीलाई चन्द्रघण्टा देवी भनेर चिनिएको हो । माता दुर्गाका नौवटा रुपलाई नवदुर्गा पनि भन्ने गरिन्छ । घटस्थापनाका दिनदेखि बडादशैं शुरु हुन्छ । घटस्थापनादेखि नवमीको दिनसम्मलाई नवरात्र पनि भन्ने गरिएको छ । घटस्थापना गरेसँगै नवदुर्गाका नौवटा रूपहरूको पूजा गर्ने परम्परा रहेकाे छ । नवरात्रका नौ दिनमा पहिलो दिन शैलपुत्री, दोस्रो दिन ब्रम्हचारिणी, तेस्रो दिन चन्द्रघण्टा, चौंथो दिन कुष्माण्डा, पाँचौ…