वडा खबर सम्वाददाता

१६ कार्तिक,काठमाडौं। सरकारले बिहीबार मध्य रातिबाट संसदकाे चालु अधिवेशन अन्त्य गर्ने निर्णय गरेको छ । बिहीबार बिहान बसेको मन्त्रिपरिषद्काे बैठकले चालु संसद अधिवेशन अन्त्य गर्न राष्ट्रपति रामचन्द्र पौडेल समक्ष सिफारिस गर्ने निर्णय गरेको मन्त्री प्रकाश ज्वालाले बताउनुभएकाे हाे। मन्त्रिपरिषदकाे सिफारिसमा राष्ट्रपतिले संसदकाे अधिवेशन अन्त्य गर्ने व्यवस्था रहेकाे छ।

१४ कार्तिक, काठमाडौं । नेपाल भ्रमणमा रहेका संयुक्त राष्ट्रसंघका महासचिव एन्टोनियो गुटेरेसले राष्ट्रिय सभा अध्यक्ष गणेशप्रसाद तिमिल्सिनासँग भेट गर्नुहुने भएकाे छ। मंगलबार दिउँसो ४ बजे प्रतिनिधि सभा र राष्ट्रियसभालाई सम्बोधन गर्नुअघि महासचिव गुटेरेसले अध्यक्ष तिमिल्सिनासँग भेट गर्नुहुने भएकाे हाे ।अध्यक्ष तिमिल्सनाको सचिवालयका अनुसार गुटेरेस लुम्बिनीबाट काठमाडौं फर्किए लगत्तै मंगलबार दिउँसो ३ बजे सिंहदरबारस्थित अध्यक्ष तिमिल्सिनाको कार्यकक्षमा पुगेर भेट गर्ने कार्यक्रम रहेको छ । ३ दिने औपचारिक नेपाल भ्रमणमा आएका महासचिव गुटेरेसले मंगलबार संघीय संसदमा सम्बोधन गर्नुहुने भएकाे हाे । गुटेरेसले सम्बोधन गर्ने भएकोले मंगलबारको संसदमा संवैधानिक निकायका पदाधिकारीलगायत अन्य उच्च पदस्थ व्यक्तिहरूलाई पनि उपस्थितिका लागि निमन्त्रणा दिइएको छ । आइतबार…