वडा खबर सम्वाददाता

एजेन्सी । हमासले गाजामा बन्दीहरूको भिडियो सार्वजनिक गरेको छ । जसमा तीन जना महिला बन्दी देखिएको अन्तर्राष्ट्रिय सञ्चारमाध्यमहरूले जनाएको हुन् । ७६ सेकेन्ड लामो भिडियोमा एक महिलाले आफ्ना नागरिकलाई सुरक्षा दिन नसकेको भन्दै इजरायल सरकारको आलोचना गरेको देखिएको छ । भिडियोमा देखिएका तीन महिलामध्ये एकले रोएको देखिएको छ । बन्धकका परिवारजन सार्वजनिक भिडियो हेरेर भावविहल बनेका छन् । हमासले सार्वजनिक गरेको भिडियोकाे बारेमा इजरायलले ’मनोवैज्ञानिक प्रोपोगाण्डा भनेको छ । इजरायलले हराएका तथा अपहरण गरिएका नागरिकलाई घर फर्काउन सबै हद पार गर्ने बताएको छ ।हमासले करिब २ सय २९ जनालाई बन्दी बनाएकोमा केहीलाई भने रिहा गरिसकेको छ ।

एजेन्सी । अमेरिकी पूर्वउपराष्ट्रपति माइक पेन्स आगामी सन् २०२४ को राष्ट्रपतीय निर्वाचनबाट पछि हट्नुभएकाे छ। पेन्स आगामी राष्ट्रपतीय निर्वाचनको दौडबाट बाहिरिनुभएकाे हाे । शनिबार लस भेगासमा रिपब्लिकन यहुदी धार्मिक मोर्चाको कार्यक्रममा पेन्सले आगामी २०२४ को राष्ट्रप्रतीय निर्वाचनको प्रतिस्पर्धाबाट पछि हटेको घोषणा गर्नुभएकाे हाे।पेन्सले यतिखेर आफ्ना लागि उपयुक्त समय नरहेको जिकिर गर्दै उम्मेदवारी घोषणा फिर्ता गर्नुभएकाे हाे । यो एक गम्भीर युद्ध हुने थाहा भए पनि यतिखेर आफूलाई कुनै पछुतो नरहेको पनि उहाँकाे भनाइ छ। पेन्सले आफ्ना समर्थकहरूलाई सम्बोधन गरेको विज्ञप्तिमा आफूले यो अभियान छाडेपनि परम्परागत मूल्यमान्यताको लडाइ भने जारी नै राख्ने अठोट व्यक्त गर्नुभएकाे छ। पूर्वराष्ट्रपति डोनाल्ड ट्रम्पसहित आगामी नेतृत्वका…

एजेन्सी । मेक्सिकोको दक्षिणी राज्य गुरेरोमा आँधीका कारण करिब २७ जनाको मृत्यु भएको छ। आँधीका कारण सयौं जना मानिसहरू बेपत्ता भएका हुन् ।ओटिस नाम दिइएकोे सो आँधीले गुरेरोमा ठूलो मानवीय र भौतिक क्षति पुर्याएको हो । हजारौं साँस्कृतिक संरचनाहरु ध्वस्त भएका छन् घरका छाना र झ्यालहरु उडाएको छ भने सडकमा बाढी आएको छ । मेक्सिकोको बन्दरगाह शहर अकापुल्को र वरपरका स्थानमा रुख र बिजुलीका खम्बाहरु समेत ढलेका छन् ।