गाजामा बन्दीको भिडियो हमासले सार्वजनिक गर्‍यो

एजेन्सी । हमासले गाजामा बन्दीहरूको भिडियो सार्वजनिक गरेको छ ।

जसमा तीन जना महिला बन्दी देखिएको अन्तर्राष्ट्रिय सञ्चारमाध्यमहरूले जनाएको हुन् । ७६ सेकेन्ड लामो भिडियोमा एक महिलाले आफ्ना नागरिकलाई सुरक्षा दिन नसकेको भन्दै इजरायल सरकारको आलोचना गरेको देखिएको छ ।

भिडियोमा देखिएका तीन महिलामध्ये एकले रोएको देखिएको छ । बन्धकका परिवारजन सार्वजनिक भिडियो हेरेर भावविहल बनेका छन् । हमासले सार्वजनिक गरेको भिडियोकाे बारेमा इजरायलले ’मनोवैज्ञानिक प्रोपोगाण्डा भनेको छ ।

इजरायलले हराएका तथा अपहरण गरिएका नागरिकलाई घर फर्काउन सबै हद पार गर्ने बताएको छ ।हमासले करिब २ सय २९ जनालाई बन्दी बनाएकोमा केहीलाई भने रिहा गरिसकेको छ ।