धनराज गुरुङ

१२ कार्तिक,काठमाडौं। प्रतिनिधि सभाको बैठकमा आइतबार दुई वटा विधेयक पेश भएका छन्। आइतबारको प्रतिनिधि सभा बैठकमा “बैंकिङ्ग कसुर तथा सजाय (दोस्रो संशोधन) विधेयक, २०८० प्रस्तुत भएको हाे । साथै भन्सार विधेयक, २०८० प्रस्तुत भएको छ । दुवै विधेयक अर्थमन्त्री डा. प्रकाशशरण महतको तर्फबाट कानून, न्याय तथा संसदीय मामिलामन्त्री धनराज गुरुङले प्रस्तुत गर्नुभएको हो । त्यस्तै, आइतबारको बैठकमा सभामुख देवराज घिमिरेले संयुक्त राष्ट्र संघका महासचिव एन्टोनियो गुटेरेसले संसदका दुवै सदनलाई कार्तिक १४ गते मंगलबार अपराह्न ४ बजे सम्बोधन सम्बन्धी जानकारी संसदलाई गराउनुभयो । उहाँले महासचिव गुटेरेसले सम्बोधन गर्ने दिन संसदमा औपाचारिक पोशाकमा उपस्थित हुन सांसदहरुलाई निर्देशन समेत दिनुभयो ।

५ असोज, काठमाडौं । कानून, न्याय तथा संसदीय मामिलामन्त्री धनराज गुरुङले आन्दाेलनरत  शिक्षकहरुका मागमा शुक्रबार निष्कर्षमा पुग्ने दावी गर्नुभएकाे छ ।  शुक्रबारको वार्तामा शिक्षकहरुको माग पूरा गर्नेगरी छलफल हुने र निष्कर्षमा पुग्ने  उहाँको तर्क छ। शिक्षकहरुसँगको औपचारिक वार्ता सुरु हुनुअघि गृह, शिक्षा, सन्चार र कानूनमन्त्रीहरुबीच भएको आन्तरिक छलफलमा सहभागी मन्त्री गुरुङले शिक्षक साथीहरुका मागमा हामीले बुँदागत रुपमा बिहीबारदेखि नै छलफल गरेकाे बताउनुभयाे । अब अन्तिम टुंगो लगाउने र शुक्रबार टुंगिने उहाँकाे तर्क छ । शिक्षकहरू विद्यालय बन्द गरेर बुधबारदेखि काठमाडौं केन्द्रित आन्दोलनमा रहेका छन् ।मन्त्रीहरूको आन्तरिक छलफलपछि गृह मन्त्रालयमा शिक्षक प्रतिनिधिहरूसँग औपचारिक वार्ता सुरू हुने छ। यसअघि बिहीबार पनि २…