समाज

५ कार्तिक,काठमाडौं। आइसीसी एक दिवसीय विश्वकप क्रिकेटमा आइतबार भारत र न्युजिल्याण्डबीच प्रतिस्पर्धा हुने भएकाे छ। प्रतियोगितामा शीर्ष स्थानको न्युजिल्याण्ड र दोस्रो स्थानको भारतबीचको भिडन्तलाई निकै महत्वका साथ हेरिएको हाे। सुरुवाती चार खेलमा अपराजित न्युजिल्याण्ड र भारतको समान ८–८ अंक छ । आइतबार धर्मशालामा हुने खेलको विजेता तालिकाको शीर्ष स्थानमा उक्लिनेछ । यसअघि गत शनिबार भएको खेलमा दक्षिण अफ्रिकाले साविक विजेता इंग्ल्यान्डमाथि २ सय २९ रनको फराकिलो जित हात पारेको छ । मुम्बईको वानखडे रंगशालामा टस हारेर पहिला ब्याटिङको निम्तो पाएको दक्षिण अफ्रिकाले निर्धारित ५० ओभरमा ७ विकेट गुमाउँदै ३ सय ९९ रन बनाएको थियो । दक्षिण अफ्रिकाको लागि मध्यक्रमका ब्याटर हेनरिक…

५ कार्तिक,काठमाडौं। हाल नेपालमा पश्चिमी वायुको आंशिक रूपमा प्रभाव रहेको छ। आइतबार बिहान देशको पहाडी भू-भागमा आंशिक बदली रहेकाे छ। साथै बाँकी भू-भागमा भने मौसम सामान्यतया सफा रहेको माैसम पूर्वानुमान महाशाखाले जनाएकाे हाे । आइतबार दिउँसो भने देशको पहाडी भू-भागमा आंशिकदेखि सामान्य बदली हुनेछ। त्यस्तै, बाँकी भू-भागमा भने मौसम सामान्यतया सफा रहनेछ। त्यस्तै, सुदूरपश्चिम, कर्णाली र गण्डकी प्रदेशको पहाडी भू-भागका केही स्थानमा मेघगर्जन-चट्याङ्गसहित हल्का वर्षाको सम्भावना रहेको छ। त्यस्तै, सुदूरपश्चिम, कर्णाली र गण्डकी प्रदेशको उच्च पहाडी तथा हिमाली भू-भागका केही स्थानमा हल्का हिमपातको सम्भावना रहेको छ । आइतबार राति भने देशको पहाडी भू-भागमा आंशिक बदली हुने भएकाे छ। त्यस्तै, बाँकी…

५ कार्तिक,काठमाडौं।  गैर-आवासीय नेपाली संघ (एनआरएनए) का नवनिर्वाचित अध्यक्ष बद्री केसीले पदबहाली गर्नुभएको छ । काठमाडौंमा भएको ११ औँ महाधिवेशनबाट निर्वाचित अध्यक्ष केसीसहित पदाधिकारीले संघको केन्द्रीय कार्यालयमा पदबहाली गरेका हुन्। अध्यक्ष पदका उमेदवारद्वय महेश कुमार श्रेष्ठ र आरके शर्माले भने केसीको पद बहालीलाई अवैध भनेका छन् । आफैंलाई अध्यक्ष घोषणा गरी शपथ लिने काम अवैध भएको उनीहरुको दावी छ । ललितपुरमा गत शनिबार आयोजित पत्रकार सम्मेलनमा अध्यक्षका उमेदवार महेश कुमार श्रेष्ठले तीन जना अध्यक्षहरुबीच भएको सहमति केसीले उल्लंघन गरेको आरोप पनि लगाउनुभयो । निर्वाचनमा भएका अनियमतिताको छानविन गर्न प्राविधिक विज्ञ रहेको तीन सदस्यीय छानविन समिति गठन गर्न गत शुक्रबार भएको…

५ कार्तिक,काठमाडौं। इजरायलमा हमास समूहले गरेको आक्रमणमा मृत्यु भएका १० जनामध्ये ३ जनाको शव आइतबार काठमाडौँ आइपुगेको छ । इजरायल सरकारले पहिचान भएका ४ वटा शवको कानूनी प्रक्रिया पूरा गरेर नेपाली दूतावासलाई बुझाएसँगै ती शवहरू नेपाल पठाएको हो । पहिलो चरणमा नेपाल पठाइएको शव मध्ये नारायणप्रसाद न्यौपाने, लोकेन्द्रसिंह धामी, दिपेशराज विस्टको शव नेपाल आइपुगेको छ । आशिष चौधरीको शव भने दिउँसो आइपुग्ने जनाइएको छ । गत असोज २० गते इजरायलकाे गाजामा हमास समूहको आक्रमणमा परेर१० जना नेपाली विद्यार्थीको मृत्यु भएको थियो । अन्य बाँकी ६ जना  नेपालीको शव पहिचान गर्ने र कानूनी प्रक्रिया पूरा गरिरहेको दूतावासले जनाएको छ । साेही शवहरू…

५ कार्तिक, काठमाडौं। बडादशैंको आठौं दिन आइतबार दुर्गा भवानीको रुपमा महागौरी देवीको विशेष पूजा आराधना गरिंदैछ। आश्विन शुक्ल अष्टमीको दिन मनाइने महाअष्टमीमा नेपालीहरूले बडादशैंका रूपमा दुर्गा भवानीको रुपमा महागौरी देवीको विशेष पूजा गर्दछन् । महागौरी भगवती दुर्गाको आठौं स्वरूप हो । शिव भगवानकी शक्ति महागौरीलाई शाम्भवी पनि भनिन्छ । दुर्गा भवानीको पूजाका लागि नवरात्रीको अष्टमीले विशेष महत्व राख्दछ । महाष्टमीमा महाकालीको विशेष पूजा हुन्छ । शास्त्र सम्मत रूपमा दशैंघर, कोतलगायत विभिन्न शक्तिपीठहरुमा मध्यराति दशैंघर तथा शक्तिपीठमा कालरात्रि गर्ने गरिन्छ । यस दिन शक्तिपीठहरुमा पशुबलि दिनेहरुको भीड लाग्दछ । आजका दिन उपत्यकाभित्रका शक्तिपीठहरु भद्रकाली, गुह्येश्वरी, नक्साल भगवती, मैतीदेवी, शोभा भगवती, कालिकास्थान,…

५ कार्तिक,काठमाडौं। धादिङको खरी आसपास केन्द्रबिन्दु भएर आइतबार बिहान ६.१ म्याग्निच्यूडको भूकम्प गएको छ । आइतबार बिहान ७ बजेर ३९ मिनेट जाँदा खरी आसपास केन्द्रबिन्दु भएर भूकम्प गएको राष्ट्रिय भूकम्प मापन केन्द्रले जनाएकाे हाे ।  भूकम्पबाट क्षति भए नभएको हालसम्म कुनै विवरण प्राप्त भएको छैन । भूकम्पको धक्का धादिङ, काठमाडौँ, गोरखा, नुवाकोट र कास्कीसहित देशका विभिन्न जिल्लाहरूमा महसुस भएको थियो । आइतबार बिहान ठूलो धक्कासहित भूकम्प गएपछि राजधानीका सर्वसाधारण घरबाहिर समेत  निस्केका थिए ।

३ कात्तिक, धादिङ। छैटौँ प्रधानसेनापति अन्तर्राष्ट्रिय त्रि एड्भेन्चर प्रतियोगितामा त्रिभुवन आर्मी क्लब ए टिम प्रथम भएको छ । धादिङस्थित ६ नं वैरेनी ब्यारेकमा ६ दशमलव ५ किलोमिटर दौड, २६ किलोमिटर साइकलिङ र ११ किलोमिटर र्‍याफ्टिङ प्रतियोगिता भएको थियो । उक्त खेलको तीन वटा चरण (दौड, साइकलिङ र ¥याफ्टिङ) पार गर्दै त्रिभुवन आर्मी क्लब ए टिम विजय भएको हो । त्यस्तै त्रिभुवन आर्मी क्लब बि टिम दोस्रो भएको छ । तेस्रोमा इन्डियन आर्मी ए टिम रहेको छ । त्यस्तै इन्डियन आर्मी बि टिम चौथो भएको छ भने एमटिबी स्टार पाँचौँ भएको छ । महिलातर्फ नेपाल आर्मी महिला टिम पहिलो भएको छ…

३ कात्तिक,तनहुँ । आँबुखैरेनी–६ स्थित कन्यादेवी माध्यमिक विद्यालयमा विद्यार्थीलाई पढ्दै, कमाउँदै कार्यक्रमअन्तर्गत कुखुरापालन व्यवसाय सुरु गरिएको छ । एक वडा, एक उत्पादनअन्तर्गत आँबुखैरेनी गाउँपालिका कार्यालयले रु पाँच लाख अनुदान प्रदान गरेपछि विद्यालयले स्थानीय जातका कुखुरापालन गरेको हो । गाउँपालिकाबाट प्राप्त भएको उक्त अनुदान रकमबाट विद्यालय भवन मर्मतसम्भार, विद्यालय कम्पाउण्ड, दाना र चल्ला खरिदमा खर्च गरिएको विद्यालयका प्रधानाध्यापक सूर्यमान गुरुङले जानकारी दिनुभयो । सुरुमा कुखुराका चल्ला र दाना खरिदमा करिब रु एक लाख ३५ हजार खर्च भएको छ । खर्च कटाएर रु ३० देखि ४० हजारसम्म मुनाफा लिन सकिने योजना रहेको उहाँले बताउनुभयो । “विद्यालयमा हाल एक सय २५ विद्यार्थी अध्ययनरत…