समाज

२९ असाेज, काठमाडौं । बडादशैं अर्थात नवरात्रको दोस्रो दिन साेमबार ब्रह्मचारिणी भगवतीको पूजा गरिंदैछ । नवरात्रको दोस्रो दिन दशैंघर वा पूजा कोठामा नौ दुर्गामध्येकी दोस्रो ब्रह्मचारिणी देवीको विधिपूर्वक पूजा आराधना गर्ने गरिन्छ । पूजास्थलमा ब्रह्मचारिणी देवीलाई आह्वान गरी विधिपूर्वक पूजा आराधना गरेमा ब्रह्मतत्वको ज्ञान प्राप्त गर्न सकिने धार्मिक विश्वास रहेककाे छ । बडादशैं अन्तर्गत घटस्थापना गरेसँगै नवदुर्गाका ९ ओटा रूपहरूको पूजा गर्ने परम्परा रहेको छ । नवरात्रका ९ दिनमा पहिलो दिन शैलपुत्री, दोस्रो दिन ब्रह्मचारिणी, तेस्रो दिन चन्द्रघण्टा, चौथो दिन कुष्माण्डा, पाँचौँ दिन स्कन्दमाता, छैटौँ दिन कात्यायनी, सातौँ दिन कालरात्री, आठौँ दिन महागौरी र नवौँ दिन सिद्धिदात्रीको पूजा आराधना गरिन्छ…

२९ असाेज, काठमाडौं । चीनको हाङझावमा हुने चौथो एशियाली पारा खेलकुदमा सहभागी हुने नेपाली टोलीको बिदाई गरिएको छ । साेमबार टोलीलाई सफलताको शुभकामना दिंदै राष्ट्रिय खेलकुद परिषदका उपाध्यक्ष शिव कोइराला र सदस्य–सचिव टंकलाल घिसिङले सातदोबाटोस्थित अन्तर्राष्ट्रिय खेलकुद परिसरको अडिटोरियम हलमा आयोजित एक कार्यक्रमबीच बिदाई गर्नुभएको हो । अक्टोबर २२ देखि २८ तारिखसम्म हुने पारा खेलकुदमा विभिन्न १० खेलमा १९ खेलाडीले नेपालको चुनौती प्रस्तुत गर्ने छन् । साथै बागमती प्रदेशकी सामाजिक विकास मन्त्री कुमारी मोक्तान पनि पारा खेलकुदका लागि हाङझाव जाने हुनुभएकाे छ।

२९ असाेज, काठमाडौं । आइसीसी एकदिवसीय विश्वकप क्रिकेटमा साेमबार अष्ट्रेलिया र श्रीलंकाबीच प्रतिस्पर्धा हुने भएकाे छ। दुवै टोली प्रतियोगितामा पहिलो जितको खोजीमा रहेका हुन् । १० टोली सहभागी प्रतियोगितामा अंक विहीन अष्ट्रेलिया पुछारमा छ भने श्रीलंका आठौं स्थानमा रहेको छ । पहिलो खेलमा आयोजक भारतसँग पराजित भएकाेअष्ट्रेलिया दोस्रो खेलमा दक्षिण अफ्रिकासँग पराजित भएको थियो । श्रीलंकालाई भने पहिलो खेलमा दक्षिण अफ्रिका तथा दोस्रोमा पाकिस्तानले पराजित गरेकाे हाे । यसअघि आइतबार भएको खेलमा अफगानिस्तानले इंग्ल्यान्डलाई झट्का दिएको छ । दिल्लीमा आइतबार राति भएको खेलमा इंग्ल्याण्डलाई अफ्गानिस्तानले ६९ रनले पराजित गरेकाे हो । जितसँगै अफ्गानिस्तानले एक दिवसीय विश्वकप क्रिकेटमा अंकको खाता खोलेको…

२९ असाेज,काठमाडाैं । यस वर्षको मनसुन हिजो (आइतबार) एवं १५ अक्टाेबरदेखि नेपालबाट बाहिरिएको छ । नेपालमा मनसुन बाहिरिने सरदर  २ अक्टाेबर रहेकोमा यस वर्ष १३ दिन ढिलो बाहिरिएको हाे । जेठ ३१ (जुन-१४) मा भित्रिएको यस वर्षको मनसुन १ सय २४ दिन जति नेपालमा रहेको छ । हाल नेपालमा पश्चिमी वायूको प्रभाव रहेको छ। साेमबार बिहान देशभर आंशिकदेखि सामान्य बदली रहेको  माैसम पूर्वानुमान महाशाखाले जनाएकाे छ। सोमबार दिउँसाे भने देशको लुम्बिनी प्रदेश, कर्णाली प्रदेश र सुदूरपश्चिम प्रदेश लगायत पहाडी भू-भागमा आंशिकदेखि सामान्य बदली हुनेछ । त्यस्तै, बाँकी भू-भागमा भने आंशिक बदलीदेखि मौसम सामान्यतया सफा रहनेछ। त्यस्तै, सुदूरपश्चिम, कर्णाली र लुम्बिनी प्रदेश…

२९ असोज,बैतडी । वेमौसमी वर्षासँगै परेको असिनाले बैतडीका विभिन्न स्थानमा बाली सखाप पारेको छ । आइतबार बेलुका परेको असिनापानीले जिल्लाको डिलाशैनी, दोगडाकेदार, सिगास गाउँपालिका सहित पुर्चौडी नगरपालिकालगायतमा बाली नष्ट गरेको हो । असिनापानीले पाकेको धान, भटमास, कोदो, र तरकारी नष्ट गरेको डिलाशैनी–७ का मदन धामीले जानकारी दिनुभयो । पाकेर भित्र्याउन तयारी गरेको बाली नष्ट गरेपछि किसान चिन्तित बनेका छन् । धान र भटमासका साथै किसानले आफ्नो खेतमा लगाएको सबै तरकारीसमेत असिनापानीले नष्ट गरेको छ । दिनभरि मौसम सफा रहे पनि साझँपख वर्षा भएको छ । वर्षाका कारण खरफागलामा काटेर सुकाएको खर घाँस समेत क्षति भएको दोगडाकेदारकी अन्जु भाटले बताउनुभयो ।…

२९ असाेज, काठमाडौं । आगामी वर्ष हुने  युरोकप फुटबलका लागि स्पेन, स्कटल्याण्ड र टर्की छनाेट भएका छन् । आइतबार राति भएको समूह ‘ए’ को खेलमा नर्वेलाई १–० गोल अन्तरले पराजित गर्दै स्पेन युरोकपका लागि छनाेट भएकाे हो । स्पेनको यो जितले समूहको अर्को टोली स्कटल्याण्ड पनि युरोकपमा छनाेट भएकाे  छ। यो समूहमा ६ खेलबाट स्पेन र स्कटल्याण्डको समान १५ अंक छ । एक खेल बढी खेलेको नर्वे भने १० अंकसहित तेस्रो स्थानमा रहेको छ । युरोकप छनाेटकै अर्को खेलमा वेल्सले क्रोएशियालाई २–१ गोल अन्तरले  पराजित गर्दा टर्कीले लात्भियामाथि ४–० गोल अन्तरको जित निकाल्यो । समूह डीमा ७ खेलबाट १६ अंक…

२९ असोज,बैतडी । बैतडीसहित सुदूरपश्चिमका पहाडी जिल्लामा आज बिहान भूकम्पको धक्का महसुस गरिएको छ । भूकम्प मापन केन्द्र सुर्खेतका प्रमुख बलबहादुर तामाङले दार्चुलापरि भारतको बतन भन्ने स्थानमा केन्द्रविन्दु बनाएर आज विहान ९ बजेर २६ मिनेटमा ४ दशमलव ८ रेक्टर स्केलको भूकम्प गएकोे जानकारी दिनुभयो । भूकम्प धक्का महसुस गरिएको भए पनि क्षतिबारे जानकारी प्राप्त नभएको जिल्ला प्रहरी कार्यालय बैतडीले जनाएको छ ।

काठमाडौं । नेपाल राष्ट्र बैंकले दसैं,तिहार,छठ लगायत चाडपर्वलाई लक्षित गर्दै आज सोमबारबाट नयाँ नोट सटही सुविधा दिने भएको छ । राष्ट्र बैंकले हरेक वर्ष चाडबाडमा नयाँ नोट सटहीको सुविधा दिँदै आएको छ । काठमाडौं उपत्यकाभित्र केन्द्रीय बैंकअन्तर्गतको मुद्रा व्यवस्थापन विभाग र विभिन्न वाणिज्य बैंकका शाखामार्फत नयाँ नोट सटही गर्न सकिनेछ । त्यसैगरी उपत्यकाबाहिर राष्ट्र बैंकले तोकेका बैंकहरुका प्रादेशिक कार्यालयमार्फत सर्वसाधारणका लागि नयाँ नोट सटही गर्न सकिनेछ । राष्ट्र बैंकले गत वर्ष जस्तै यस वर्ष पनि प्रतिव्यक्ति १८ हजार ५ सय रुपैयाँका दरले सर्वसाधारणलाई नयाँ नोट सटही सुविधा दिन लागेको हो । १८ हजार ५ सय रुपैयाँ भनेको ५ देखि १ सय…