” रूपा गाउँपालिका वडा नं. ४ मा अहिले विकासले मुहार फेरिरहेको छ “

२९ असाेज, काठमाडाैँ । वि.स २०७२ मा जरी भएको नेपालको संविधानले व्यवस्था गरेको राज्य संरचना अनुरुप स्थानीय तहको रुपमा रुपा गाउँपालिकाको स्थापना भएको हो । संवैधानिक व्यवस्था अनुरुप वि.स २०७४. ०१.३१ मा भएको स्थानीय तहको निर्वाचन तथा मिति २०७४ . ०२.०५ मा भएको कार्यापालिकाको चुनाव पश्चात जन निर्वाचित जनप्रतिनिधिहरु मिति २०७४ .०२ .१६ मा पदबाहाली गरेका थिए ।

यसरी रुपा गाउँपालिका आफ्ना जनप्रतिनिधिहरु मार्फत विकासको गतिमा अगाडी बढेको छ । रुपा गाउँपालिका गण्डकी प्रदेश अन्तर्गत कास्की जिल्लाका साविक थुम्की, रुपाकोट, देउराली गा।वि ।स हरुको सबै र साविक हंसपुर गा.वि स.का ९वडा नं. ५ र ८ बाहेकका०ःभुभाग समेटेको कास्कीको दक्षिण पूर्वी भागमा अवस्थित छ ।

भैगोलिक भएको, विविधतामा एकता कायम रहेको,प्रकृतिक हिसाबले सुन्दर र विकासका अनेक सम्भावनाहरु भएको गाउँपालिका हो ।

गण्डकी प्रदेश कास्की  जिल्लामा अवस्थित रूपा गाउँपालिका वडा नं. ४ का वडा अध्यक्ष मुकुन्द बहादुर वंशीले स्थानीय तहको निर्वाचनमा अत्यन्त बहुमत ल्याएर अध्यक्ष पदमा निर्वाचीत हुनुभयो ।

रूपा गाउँपालिका वडा नं. ४ मा अहिले विकासले मुहार फेरिरहेको छ । जनप्रतिनिधिले चाहेको खण्डमा वडाको विकास गर्न कुनै कठिनाइ हुँदैन भन्ने कुराको ज्वलन्त उदाहरण बनेका छन् वडा अध्यक्ष मुकुन्द बहादुर वंशी ।

वडालाई नमुनाकै रुपमा स्थापना गर्न वडा अध्यक्ष वंशी अहोरात्र खटिरहनुभएको छ ।

रूपा गाउँपालिका वडा नं. ४ मा जम्मा बजेट पालिकाबाट २१लाख र प्रदेश ३५ लाख वजेट विनियाेजन गरेकाे वडा अध्यक्ष मुकुन्द बहादुर वंशीले जानकारी दिनुभयाे ।

वडा अध्यक्ष वंशी भन्नुहुन्छ, “ हामीले उपभोक्ता समिती मार्फत् काम गरीरहेका छौ, वडामा रहेका योजनाहरु मध्ये अधिकांश सम्पन्न भइसकेको र बाकीे रहेको कामहरु अन्तिम चरणमा पुगेको छ ।”

उहाँ स्थानीय तह निर्वाचन पश्चात वडामा वडाबासीहरुको समस्याको समाधानका सार्थै विकास निर्माणका कामहरु गर्दै आउनुभएको छ ।

स्थानीय तहको निर्वाचित पछि वडामा स्वास्थ्य, सडक, कृषि, खानेपानी, सरसफाई, धार्मिक, सांस्कृतिक, विद्युत तथा भौतिक पुर्वाधार विकास निमार्णका योजना तथा कार्यक्रमहरुमा बजेट विनियोजन गरेको वडा अध्यक्ष वंशीले बताउनुभयोे ।

वडा अध्यक्ष वंशीले भन्नुभयो, ” वडामा पहिलो प्राथमिकता शिक्षा, कृषि र बाटोलाई दिनुका साथसाथै बाटोलाई स्तरउन्नति गर्दै ग्राभेल गर्ने  याेजनामा रहेकाे छ । “

त्यसै गरी शिक्षाको क्षेत्रमा शैक्षिक गुणस्तर ल्याउनको लागि वडामा रहेको सामुदायिक विद्यालयमा भौतिक संरचना निमार्ण गर्नको लागि वडाबाट बजेट विनियोजन गरेको उहाँले बताउनुभयो ।

उहाँले भन्नुभयो, ” वडामा कृषिलाई विशेष जोड दिदै कृषि उत्पादन गर्नको लागि विभिन्न विउँ विजनहरु अनुदानमा वितरण गरेकाे र माैरी पालनलाइ विशेष जाेड दिएका छौ । “

त्यस्तै स्वास्थ्यको क्षेत्रमा वडामा रहेको सामुदायिक स्वास्थ्य केन्द्रबाट वडाबासीहरुलाई स्वास्थ्य सुविधाहरु दिईरहेको वडा अध्यक्ष वंशीले जानकारी दिनुभयो ।

त्यसै गरी महिलाहरुलाई लक्षित गर्दैै विभिन्न सिपमुलक तालिमहरुको व्यवस्था गरेको वडा अध्यक्ष वंशीले बताउनुभयो ।

साथै युवाहरूलाइ लक्षित गर्दै विभिन्न वडास्तरीय खेलकुदकाे लागि बजेट विनियाेजन गरेकाे र महिलाहरूलाइ विभिन्न सिपमुलक तालिमहरूकाे व्यवस्था गरेकाे उहाँकाे दाबी छ ।

वडा अध्यक्ष मुकुन्द बहादुर वंशीले भन्नुभयो, ” स्रोत साधनले भ्याएसम्म वडाको समग्र क्षेत्रलाई समेटे्दै निरन्तर कामहरु अगाडि बढाईरहेको छ । “

अन्त्यमा वडाबासीहरुलाई के भन्न चाहानुहुन्छ ? 

वडा नम्बर ४ का स्थानिय वडाबासीहरु प्रति पुर्ण आभारी छु । मलाई अमुल्य भोट दिएर वडा अध्यक्षमा जिताउनु हुने सम्पुर्ण वडा नम्बर ४ वडाबासीहरुलाई विशेष धन्यवाद दिन चाहान्छु ।
जसरी जनताले म प्रति विश्वास गर्नु भएको छ ,जनताको त्यो विश्वासलाई टुट्न दिनेछैन । वडाको चौतर्फी विकासको लागि वडामा म सदैब लागि परिरहने छु ।