नेपाली कांग्रेस

५ असोज, काठमाडौं। नेपाली कांग्रेसले संसदीय दलको बैठक बोलाएको छ। यही असोज ८ र ९ गते बस्ने गरी कांग्रेसले संसदीय दलको बैठक बोलाएको हो। संसदीय दलको बैठक बोलाइएको बारेमा शुक्रबार बसेको केन्द्रीय समितिमा प्रमुख सचेतक रमेश लेखकले जानकारी दिनुभएकाे हाे । बैठकमा प्रतिनिधि सभामा दर्ता भएको शिक्षा विधेयककाे बारे छलफल हुने उहाँले बताउनुभयाे । संसदसँग सम्बन्धित अन्य समसामयिक विषयलाई पनि बैठकको एजेन्डा बनाइएको छ। प्रमुख सचेतक लेखकले शिक्षकहरूको जायज माग पूरा हुनुपर्छ भन्ने पक्षमा कांग्रेस रहेको बताउनुभयाे। उनीहरूको जायज माग पूरा गर्ने सम्बन्धमा कांग्रेसले सक्दो भूमिका खेल्ने पनि उहाँकाे भनाइ थियाे । कांग्रेसकाे केन्द्रीय समिति बैठकमा शिक्षकहरूको आन्दोलनको विषय जोडतोडले…

५ असाेज, काठमाडाैं । नेपाली कांग्रेसको केन्द्रीय कार्यसमिति बैठक शुक्रबार पनि बस्ने भएकाे छ । सानेपास्थित केन्द्रीय पार्टी कार्यालयमा शुक्रबार बिहान ११ बजेदेखि बैठक सुरु हुने भएकाे हाे । शुक्रबारकाे बैठकमा पनि केन्द्रीय सदस्यहरूले धारणा राख्ने छन् । बिहीबारकाे बैठकमा विमलेन्द्र निधि, कल्याणकुमार गुरुङ, नैनसिंह महर, प्रतिमा गौतम र प्रदेश सभापतिहरूले धारणा राखेका थिए । साथै बिहीबार महामन्त्री गगनकुमार थापाले प्रस्तावहरू प्रस्तुत गरेका थिए भने उपसभापति एवं कार्यवाहक प्रधानमन्त्री पूर्णबहादुर खड्काले शिक्षा विधेयक र शिक्षक महासंघसँग भएका संवादकाे बारेमा जानकारी गराएका थिए ।  

४ असाेज, काठमाडौं । नेपाली कांग्रेसको केन्द्रीय कार्यसमिति बैठक बिहीबार बस्ने भएकाे छ। बैठक बिहीबार दिउँसो १ बजे कांग्रेस मुख्यालयमा बस्ने  भएकाे हाे । समसामयिक राजनीतिक अवस्था, पार्टीको आन्तरिक संरचना र भ्रातृ संगठनहरुको व्यवस्थापन लगायत विषयमा छलफल हुने कांग्रेसले जनाएकाे छ । आगामी मंसिर १३, १४ र १५ गतेका लागि तय गरिएको महासमिति बैठकका एजेण्डाकाे बारेमा पनि बैठकमा छलफल हुने भएकाे छ । साेही बैठकमा डा.शेखर कोइराला समूह भने फरक तरिकाले प्रस्तुत हुने तयारीमा रहेको छ ।

२ असोज, काठमाडौं । नेपाली कांग्रेसको केन्द्रीय कार्य समितिको बैठक यही भदाै ४ गते बिहीबार  बस्ने भएकाे छ। विधान अनुसार हरेक दुई महिनामा बस्नुपर्ने बैठक नराखिएको भन्दै कांग्रेस नेतृत्वको आलोचना भईरहेको बेला सभापति शेरबहादुर देउवाले असोज ४ गते लागि बैठक बाेलाउनुभएको हो । बैठकमा आफ्नो समूहको रणनीति तय गर्न नेता डा.शेखर कोइरालाले आज (मंगलबार) आफ्नो समूहको बैठक बोलाउनु भएको छ । कोइरालाको सम्पर्क कार्यालय बालुवाटारमा मंगलबार दिउँसो २ बजेका लागि बैठक बोलाइएको हो । बैठकमा १४औँ महाधिवेशनमा कोइराला पक्षबाट उम्मेदवार भइ जितेका पदाधिकारी र केन्द्रीय सदस्यहरुलाई बोलाइएको छ । साेही बैठकमा महामन्त्री विश्वप्रकाश शर्मा र महामन्त्रीका प्रत्यासी प्रदीप पौडेललाई पनि आमन्त्रण…

१२ वैशाख, चितवन ।  चितवन-२ मा नेपाली कांग्रेसका उम्मेदवार जीत नारायण श्रेष्ठले राष्ट्रिय स्वतन्त्र पार्टी (रास्वपा)का रवि लामिछानेलाई बधाई दिएका छन् । ३७ हजारबढी मतान्तरले अगाडि रहेका रविको जित सुनिश्चित भइसकेको छ ।  मतगणनास्थलमा पुगेर कांग्रेस उम्मेदवार श्रेष्ठले रास्वपाका सभापतिसमेत रहेका रविलाई बधाई दिए । रवि अब आफ्नो पनि जनप्रतिनिधि भएको भन्दै उनले प्रतिस्पर्धीका रुपमा रविको रचनात्मक काममा सहयोग गर्ने बताए । उनले भने, ‘जनप्रतिनिधिलाई एउटा प्रतिस्पर्धीका रुपमा नकारात्मक होइन, सकारात्मक सहयोग रहन्छ ।’ जनताले परिर्वतन खोजेको र परम्परागत दलहरुले आफ्ना कमजोरीलाई सच्याउनुपर्ने बताए । रास्वपा सभापति रविले पनि सबैसँग सहकार्य गर्ने भन्दै रचनात्मक सहयोगको अपेक्षा रहने बताएका छन् ।…

२५ पुस, काठमाडौं ।  नेपाली कांग्रेसका सभापति शेरबहादुर देउवाले संविधानको रक्षाका लागि विशेष योगदान गर्न सांसदहरुलाई आग्रह गरेका छन् । प्रतिनिधिसभाको पहिलो बैठकलाई सम्बोधन गर्दै देउवाले संसदको ठूलो दल कांग्रेस रचनात्मक रुपमा प्रस्तुत हुने र जनताको मुद्दासँग जोडिरहने बताए । देउवाले भनेका छन्, ‘ प्रतिनिधिसभाको यो कार्यकाल संविधानको सुरक्षा, कार्यान्वयन र सघीय लोकतान्त्रिक व्यवस्थाको सवलिकरणका लागि विशेष योगदान गर्न सकोस् । हामी सबै त्यसमा संलग्न हुन सकौं ।’ उनले प्रधानमन्त्री नियुक्त भएकोमा प्रधानमन्त्री पुष्पकमल दाहाल प्रचण्डलाई बधाई दिएका छन् ।