कांग्रेसकाे केन्द्रीय कार्यसमिति बैठक आज बस्दै

४ असाेज, काठमाडौं । नेपाली कांग्रेसको केन्द्रीय कार्यसमिति बैठक बिहीबार बस्ने भएकाे छ।

बैठक बिहीबार दिउँसो १ बजे कांग्रेस मुख्यालयमा बस्ने  भएकाे हाे । समसामयिक राजनीतिक अवस्था, पार्टीको आन्तरिक संरचना र भ्रातृ संगठनहरुको व्यवस्थापन लगायत विषयमा छलफल हुने कांग्रेसले जनाएकाे छ ।

आगामी मंसिर १३, १४ र १५ गतेका लागि तय गरिएको महासमिति बैठकका एजेण्डाकाे बारेमा पनि बैठकमा छलफल हुने भएकाे छ । साेही बैठकमा डा.शेखर कोइराला समूह भने फरक तरिकाले प्रस्तुत हुने तयारीमा रहेको छ ।