अर्थ

१८ जेठ, काठमाडौं ।  सुनको मूल्यमा बिहीबार पनि नयाँ रेकर्ड कायम गरेको छ । नेपाल सुनचाँदी व्यवसायी महासंघकाअनुसार आज सुनको मूल्य हालसम्मकै उच्च एक लाख १२ हजार ५ सय रुपैयाँ पुगेको छ । बुधबार हालसम्मकै उच्च मूल्य एक लाख १२ हजार रुपैयाँ प्रतितोलामा सुनको खरिद बिक्री भएको थियो । आज तेजावी सुनको मूल्य एक लाख ११ हजार ९५० र चाँदीको मूल्य तोलामा १५ रुपैयाँले बढेर एक हजार ४ सय १० रुपैयाँ कायम भएको छ । बिहीबार तेजावी सुन एक लाख ११ हजार ४५० र चाँदी १३ सय ९५ रुपैयाँमा कारोबार भएको थियो ।

१८ जेठ, काठमाडाैं ।  रावा इनर्जीको सेयर आजबाट बिक्री खुला, ६ लाख ४३ हजार कित्ता बिक्रीमा काठमाडौं। रावा इनर्जी डेभलपमेन्ट लिमिटेडले आजबाट सर्वसाधारणलाई सेयर जारी गरेको छ। कम्पनीले आयोजना प्रभावित र बैदेशिक रोजगारीमा गएका नेपालीहरुलाई सेयर बिक्री गरिसकेको छ। कम्पनीको जारी पुँजी २८ करोड छ। यसको ३० प्रतिशत ८ करोड ४० लाख रुपैयाँको सेयरमध्ये रोजगारीमा गएका र प्रभावितलाई केही बिक्री गरिसकेको छ। बाँकी रहेको ६ लाख ४३ हजार ६६७ कित्ता सेयर सर्वसाधारणलाई बिक्री खुलाएको हो। सेयरमा जेठ २२ गतेसम्म आवेदन दिन सकिन्छ। कम्तिमा १० कित्ताका लागि आवेदन दिन सकिन्छ। कम्पनीले ३ मेगावाट क्षमताको परियोजना निर्माण गरिरहेको छ।

काठमाडौं । समयमा मल नल्याएपछि कृषि सामग्री कम्पनी लिमिटेडको कालोसूचीमा परेका सिल्क मार्केट, ग्लोबल म्याटिक्स, सिनोम्याक र विध कम्पनीले विश्व बजारमा मूल्य घटेपछि चीनबाट मल ल्याएका छन् । आफैले कारबाही गरेर कालोसूचीमा राखेका कम्पनीले मल ल्याएको भन्दै कृषि सामग्री कम्पनी लिमिटेड मल नबुझ्ने अडानमा छ । यसअघि पटकपटक ताकेता गर्दा पनि मल नल्याएको र सो कम्पनीले चारपटक म्याद थप्दा पनि मल ल्याउन सकेका थिएनन् । अहिले विश्व बजारमा मूल्य घटेका बेला कृषि सामग्रीसँग अनुमति नलिई मल ल्याएको कृषि सामग्री कम्पनी लिमिटेडको भनाइ छ । २०७९ सालमा तीन वर्षका लागि कालोसूचीमा परेका कम्पनीले मल ल्याएकाले आफूहरूले नबुझ्ने अडानमा रहेको कृषि सामग्री…

काठमाडौं । झन्डै तीन वर्षदेखि ग्राउन्डेड चिनियाँ जहाजलाई नेपाल वायुसेवा निगमले बिक्री गर्ने भएको छ । निगमको चिनियाँ जहाजलाई तीन वर्षदेखि ग्राउन्डेड गरिएको छ । निगमको सञ्चालक समितिको बैठक र तालुकदार मन्त्रालयको समन्वयमा प्रक्रिया अगाडि बढाइने निगमले जनाएको छ । केही सयमअघि (चिनियाँ जहाजहरु) ग्राउण्डेड भएको सम्बन्धमा संसदमा समेत प्रश्न उठेकाले निगमले गम्भीर ध्यानाकर्षण भएको जनाएको छ । निगमले दुई वटा एमए-६० र वाइ १२ इ चिनियाँ जहाजहरूको सम्बन्धमा विभिन्न समयमा गठित अध्ययन समितिहरुको सिफारिसको आधारमा उक्त जहाजहरू सञ्चालन गर्न प्राविधिक, व्यावसायिक र आर्थिक रुपमा अनुपयुक्त भएको, बीमा खर्च तथा इन्धन खपत अत्यधिक रहेको, सीमित यात्रु बहन क्षमता र जगेडा…

१६, जेठ, काठमाडाैं । बजेटले बैंक वित्तीय संस्थाहरुको मर्जर प्राप्ति र एफपीओको कर एकैपटक तिर्न उर्दी जारी गरेपछि सेयर बजारले ‘नोज डाइभ’ हानेको छ। बजेटलगत्तै खुलेको सेयर बजार ४३ अंक घटेको हो। बजेट अघि १९४१ मा बन्द भएको बजार मंगलबार पहिलो सत्रमै १९०१ सम्म ओर्लिएको हो। सेयर बजारको ठूलो हिस्सा ओगटेका कम्पनीहरु माथि नयाँ दायित्व थुप्रिएपछि लगानीकर्ताको मनोबल ह्वात्तै गिरेको छ। त्यसैको असर सेयर बजारमा देखिएको हो।

काठमाडाैं । अर्थमन्त्री डा. प्रकाशशरण महतले कृषि, पर्यटन र सम्पन्न हुने विकास आयोजनाहरूलाई मात्रै प्राथमिकता दिँदै अर्थतन्त्रको फराकिलो वृद्धि गर्ने बताएका छन्। सोमबार आर्थिक वर्ष २०८०/८१ को बजेट प्रस्तुत गर्दै मन्त्री महतले यस्तो बताएका हुन्। उनले आगामी आर्थिक वर्षको बजेटमा कृषि, पर्यटन र सम्पन्न हुने आयोजना सरकारको उच्च प्राथमिकतामा परेको बताए। उनले कृषिको आधुनिकीकरण, पर्यटन क्षेत्रको विकास र सम्पन्न हुने खालका विकास आयोजनामा मात्रै बजेट विनियोजन गरिएको बताए। उनले विगतमा टुक्रे आयोजना, बहुवर्षीय आयोजना र सम्भाव्यता भएका आयोजनाहरूमा ठूलो बजेट राख्ने बताए। उनले गुणस्तरिय सामाजिक विकास, सुरक्षा र न्याय प्रणालीको प्रत्याभूति गराउने, लगानीमैत्री वातावरण निर्माण गरी निजी क्षेत्रको मनोबल उच्च…