सरकारको बाटो खाली गर्न प्रधानमन्त्री दाहाललाई नेता काेइरालाको आग्रह

२० असाेज,काठमाडाैं। नेपाली कांग्रेसका नेता डा. शेखर कोइरालाले सरकारको बाटो खाली गरिदिन प्रधानमन्त्री पुष्पकमल दाहाललाईआग्रह गर्नुभएको छ ।

शनिबार काठमाडौंमा आयोजित एक कार्यक्रमलाई सम्बोधन गर्दै उहाँले यस्ताे बताउनुभएकाे हाे । सरकारको देश अफ्ठ्यारो स्थितिबाट अघि बढिरहेको रसरकार सच्चिन आवश्यक रहेको र सच्चिन नसके बाटो खाली गरिदिन समेत उहाँले आग्रह गर्नुभएको हो ।

देशमा जताततै अराजकता रहेको उल्लेख गर्दै उहाँले  यस परिस्थितिलाई कांग्रेस बाहेक अरुले सम्हाल्न नसक्ने दावी गर्नुभयो । उहाँले देशको प्रधानमन्त्रीले पार्टीको सभापति झैं दुई लाख मान्छे सडकमा उतार्छु, २०८४ मा माओवादीलाई जिताउ म जातीय राज्य दिन्छु जस्ता अराजक अभिव्यक्ति दिएको पनि बताउनुभयो ।

उहाँले जातीय राज्य गोजीबाट निकालेर दिने हो भन्दै प्रश्न समेत गर्नुभयो । उहाँले गैर जिम्मेवार अभिव्यक्ति प्रधानमन्त्रीबाट आउनु नेपालीहरुको लागि दुर्भाग्य भएकाे बताउनुभयो । कांग्रेस एक ढिक्का भएर आगामी निर्वाचन एक्लै लड्नुपर्ने पनि नेता कोइरालाले बताउनुभयो ।