प्रधानमन्त्री दाहाले राष्ट्रपति पाैडेललाई भेटे

३० भदौ, काठमाडौं । प्रधानमन्त्री पुष्पकमल दाहालले शनिबार बिहान राष्ट्रपति रामचन्द्र पौडेलसँग भेटवार्ता गर्नुभएकाे छ।

शनिबार बिहान राष्ट्रपति भवन शितल निवास पुगेर प्रधानमन्त्री दाहाले राष्ट्रपति पौडेललाई भेट्नुभएकाे हाे । भेटका क्रममा दाहालले अमेरिकाको न्यूयोर्कमा हुने आसन्न संयुक्त राष्ट्र संघको महासभामा आफ्नो सहभागिता र चीन भ्रमणकाे विषयमा जानकारी गराउनु भएकाे जनाइएकाे छ ।

भेटवार्तामा समसामयिक विषयमा पनि छलफल भएको थियो ।