भारतमा रेल दुर्घटना हुँदा ४ जनाको मृत्यु, १ सय घाइते

एजेन्सी । भारतको बिहारमा रेल दुर्घटना हुँदा ४ जनाको मृत्यु भएको छ ।

दिल्लीबाट कामाख्या तर्फ गइरहेको नर्थ इष्ट एक्सप्रेसको रेल बुधबार राति बिहारको बक्सरमा दुर्घटना हुँदा ४ जनाको मृत्यु भएको हाे । साेही दुर्घटनामा परी  करिब १ सय जना घाइते भएका छन् ।

घाइते मध्ये २० जनाको अवस्था गम्भीर रहेकाले मृतकको संख्या अझ बढ्न सक्ने आशंका गरिएको छ । भारतीय सञ्चार माध्यमका अनुसार रेल को ६ वटा डिब्बा लिकबाट उछिट्टिएको थियो ।