२१ असाेज, काठमाडाैं । थुलुङ दुधकोशी गाउँपालिका कोशी प्रदेश र सोलुखम्बु जिल्लामा अवस्थित एक गाउँपालिका हो ।
सोलुखुम्बु जिल्लाको सदरमुकाम सल्लेरीबाट दक्षिण पूर्वीभागमा अवस्थित यस गाउँपालिका तत्कालिन नेले, कांगेल, पंचन, जुबु, मुक्ली, देउसा र लोखिम गा. वि. स. मिलेर स्थापित भएको हो । यस गाउँपालिकाको केन्द्र साविकको मुक्ली गा. वि. स. मा रहेको छ। यस गाउँपालिकाको पूर्वमा सोताङ गाउँपालिका, पश्चिममा सोलु दुधकुण्ड नगरपालिका, उत्तरमा माप्य दुधकोशी गाउँपालिका, दक्षिणमा नेचा सल्यान गाउँपालिका र खोटाङको ऐसेलुखर्क गाउँपालिका रहेको छ।
जनसंख्याको आधारमा हेर्दा नगरपालिकापछिको ठूलो गाउँपालिकाको रुपमा स्थापित यस गाउँपालिकाको जनसंख्या २२ हजार ३ सय ७५ र क्षेत्रफल १४४.६० वर्ग किलाेमिटर रहेको छ। यस गाउँपालिकामा विशेष गरी थुलुङ राईहरुको बाहुल्यता रहेको छ। साथै क्षेत्री, गुरङ, तामाङ, ब्राम्हण, सुनुवार, नेवार, माझी, कामी, दमाई, दशनामी, सार्की र भुजेल लगायतका अन्य जातजातीहरुको समेत बसोबास रहेको छ। साेही गाउँपालिका विभिन्न धार्मिक तथा पर्यटकीय स्थल र प्राकृतिक सौन्दर्यताले भरिपूर्ण रहेको छ।
थुलुङ दुधकोशी गाउँपालिका-१ का वडा अध्यक्ष घनराज सुनुवारले ५ सय घरधुरीमा खानेपानी पुर्याइसकिएकाे बताउनुभएकाे छ। उहाँले वडा खबरसँग कुरा गर्दै ४ कराेड लगानी गरेर खानेपानीकाे काम सब डिभिजन मार्फत भइरहेकाे पनि बताउनुभएकाे हाे । २४ सैं घण्टा जनताकाेबीचमा रहेर काम गर्ने बताउँदै उहाँले जनतालाई सहज र सरल रूपमा सेवा दिने प्रतिवद्धता समेत गर्नुभएकाे छ।
जेष्ठ नागरिक, अपांग र असक्त नागरिककाे घरमै पुगेर स्वास्थ्य कर्मीले उपचार गर्ने व्यवस्था गरिएकाे पनि उहाँले जानकारी गराउनुभयाे । यस वडामा धेरै जसाे सडक बाह्रै महिना संचालन भएकाे र केही सडक भने वर्षाकाे समयमा बन्द हुने गरेकाे उहाँकाे तर्क छ । कृषि क्षेत्रलाई अगाडि बढाउन विशेष जाेड दिएकाे पनि उहाँकाे भनाइ छ ।
दैविक प्रकाेपका कारण कृषि क्षेत्रमा गर्ने क्षतिलाई मध्येनजर गर्दै मकै बालीमा बीमा गरिएकाे पनि उहाँले जानकारी गराउनुभयाे । थुलुङ दुधकोशी गाउँपालिकामा १० कराेडकाे बाहिरबाट तेल आयात भएकाे र यसलाई राेक्नका लागि ताेरी बाली पनि गरिएकाे पनि उहाँले बताउनुभयाे ।
यस वडालाई सामाजिक न्यायसहितकाे दिगाे र समृद्धि बनाउने याेजनामा लागेकाे पनि उहाँले बताउनुभएकाे हाे । सामुदायिक विद्यालयहरू सुधार उन्मुख रहेकाे उहाँले बताउनुभयाे । विदेश जाने युवालाई राेक्नका लागि राेजगारीका उद्याेग खाेल्ने पनि उहाँकाे तर्क छ।
केन्द्रीय प्रसारण लाइन मार्फत विद्युत वितरण भएकाे उहाँले बताउनुभयाे। साथै शिक्षा, स्वास्थ्य, खानेपानी, यातायात, कृषि, सडक, पर्यटन र विद्युत लगायतका क्षेत्रमा पनि काम सहज रूपमा भइरहेकाे उहाँले बताउनुभएकाे हाे ।
पर्यटन क्षेत्रलाई हवकाे रूपमा विकास गर्ने याेजनामा रहेकाे पनि उहाँले बताउनुभयाे । जनताका आधारभूत आवश्यकताई पूरा गर्ने लक्ष्यका साथ अघि बढेकाे उहाँकाे तर्क छ। साथै आर्थिक वर्ष २०८०/०८१ को बजेट मार्फत वडा नम्बर १ लाई पालिकाले ८३ लाखकाे बजेट सिलिङ गरेकाे उहाँले बताउनुभयाे।
अन्त्यमा निर्वाचनकाे समयमा जनताले गरेका मागलाई पूरा गर्ने लक्ष्य रहेकाे अध्यक्ष सुनुवारकाे दावी छ।
