सन्दीप लामिछाने

२६ असाेज, काठामाडौं । क्रिकेट सन्दीप लामिछानेले त्रिदेशीय टी-२० शृंखला नखेल्ने निर्णय गरेका छन् । बिहीबार राति लामिछानेले सामाजिक सञ्जाल फेसबुकबाट कार्तिक १ गतेदेखि हुने शृंखलामा आफू सहभागी नहुने जानकारी गराएका हुन् । लामिछानेले आफू कठिन परिस्थितिबाट गुज्रिरहेको समेत बताएका छन् । घरेलु मैदानमा हुने त्रिदेशीय अन्तर्राष्ट्रिय क्रिकेट शंखलाको पहिलो खेलमा कार्तिक १ गते नेपालले यूएईसँग खेल्ने तय भएको छ । क्रिकेट लामिछानेले  विरुद्धको बलात्कार मुद्दा लामो समयदेखि अदालतमा विचाराधिन अवस्थामा रहेकाे छ ।

२५ असाेज, काठमाडौं । क्रिकेटर सन्दीप लामिछाने विरुद्धको जबरजस्ती करणीको मुद्दाको  बिहीबार सुनुवाई हुँदैछ । असोजमा दुई पटक पेशी चढे पनि स्थगित हुँदै आएको थियो । सर्वोच्च अदालतले यस मुद्दामा गत १५ फागुनमा नै चाँडो फैसला गर्न आदेश दिएको थियो । न्यायाधीश सपना प्रधान मल्ल र कुमार चुडालको संयुक्त इजलासले लामिछानेको मागबमोजिम विदेश जान अनुमति दिँदै बलात्कारको मुद्दामा काठमाडौं जिल्ला अदालतलाई शिघ्र सुनुवाई (फास्ट ट्रयाक) तथा निरन्तर सुनुवाई (कन्टिनियस हेयरिङ) का प्रक्रिया अवलम्बन गरी छिट्टो कारबाही किनारा गर्नु भनि आदेश दिएको थियो । उक्त आदेश दिएको ७ महिना पूरा हुँदा समेत जिल्ला अदालतले फाइनल बहस गराउन सकेको छैन ।