नारायणकाजी श्रेष्ठ

४ असाेज, काठमाडाैं । उपप्रधानमन्त्री तथा गृहमन्त्री नारायणकाजी श्रेष्ठले सामाजिक सहिष्णुतालाई कमजोर पार्ने गतिविधि भइरहेकाले यसप्रति सचेत हुनुपर्ने बताउनुभएकाे छ । बिहीबार प्रतिनिधिसभाअन्तर्गतको राज्य व्यवस्था तथा सुशासन समितिको बैठकमा गृहमन्त्री श्रेष्ठले सामाजिक सहिष्णुता र सौहार्दतालाई कमजोर पार्ने गतिविधि भइरहेको बताउनुभएकबाे हाे । नेपालको बहुजातीय, बहुभाषिक, बहुधार्मिक र बहुसाँस्कृतिक पहिचान रहेको भन्दै उहाँले आपसी एकता, सहिष्णुता र सौहार्दतालाई कुनै पनि हालतमा कमजोर हुन दिनु नहुने बताउनुभयाे। गृहमन्त्री श्रेष्ठले सहिष्णुता कमजोर पार्ने प्रयत्नका विरुद्धमा सरकारले कानुनी र प्रशासनिक रूपमा हस्तक्षेप गर्ने स्पष्ट पार्नुभयाे । यसको निम्ति सबै सचेत हुनुपर्ने आवश्यकता रहेको पनि उहाँले बताउनुभयाे । गृहमन्त्री श्रेष्ठले अर्थतन्त्रमा देखा परेका समस्याका कारण…