समाज

काठमाडौं । नेपालकी अल्ट्रा धाविका रशिला तामाङले इन्डोनेसियामा भएको एसिया ट्रेल मास्टर (एटिम) २०२३ को उपाधि जितेकी छन् । रशिला शनिबार भएको दौडमा महिला ७७ किलोमिटरको निर्धारित दूरी १२ घण्टा २५ मिनेट ५२ सेकेण्डमा पूरा गरिन् । यो दौड जित्ने रशिला पहिलो नेपाली धाविका समेत हुन् । बेल्जियमकी भान्जा कनोप्स निर्धारित दुरी १२ घन्टा ३२ मिनेट १६ सेकेन्डमा पुरा गर्दै दोस्रो हुँदा फिलिपिन्सकी एन्जेली काबालो तेस्रो भइन् । उनले निर्धारित दुरी १४ घन्टा ३ मिनेट ३७ सेकेन्डमा पूरा गरिन् । रशिलाले पछिल्लो समयम अन्तर्राष्ट्रिय स्तरमा अल्ट्रा रेसहरुमा प्रतिस्पर्धा गर्दै आएकी छन् । जसमा उनले पोडियम फिनिस पनि गरिरहेकी छन ।…

१७ मंसिर, काठमाडौं । नेपाल सुपर लिग २०२३ को आइतबार हुने खेलमा बुटवल–लुम्बिनी एफसीले स्पोर्टिङ इलामको सामना गर्दैछ । दशरथ रंगशालामा हुने त्यस खेलसँग जोडिएका तथ्यांक यस प्रकार छन् । १. इलाम प्रतियोगिताका नवप्रवेशी रहेको हुनाले बुटवल–लुम्बिनीले उसको पहिलो पटक सामना गर्दैछ । २. यो यसपल्टको प्रतियोगिताको १२ औं र समग्रमा प्रतियोगिताकै ३७ खेल हुनेछ । ३. इलामले आफ्नो तेस्रो खेल खेल्दैछ । उसले एक खेल जितेको छ र अर्को खेलमा हार बेहोरेको छ । इलामको दुई खेलबाट तीन अंक छ । इलाम सुरुमा काठमाडौं रेजर्ससँग १–० ले पराजित भएको थियो । त्यसपछि झापा एफसीलाई १–० ले हराएको हो ।…

१७ मंसिर, जनकपुरधाम । सर्लाहीमा दुईवटा मोटरसाइकल आपसमा ठोक्किँदा उछिट्टिएर खसेका एकजनाको बसले किच्दा मृत्यु भएको छ । घटनास्थलमै मृत्यु भएका अन्दाजी ३५ वर्षीय पुरुषको सनाखत हुन सकेको छैन । सर्लाहीका प्रहरी प्रवक्ता डिएसपी दिपेन्द्र सिंह पञ्जियार थारुका अनुसार शनिबार साँझ करिब ७ बजेको समयमा पूर्वपश्चिम राजमार्गमा पर्ने बागमती नगरपालिका ४ पुरानो चौकी नजिक प्र २ ०३ ००६ प ६७ नम्बरको मोटरसाइकल र बा २ ब ५७६६ नम्बरको मोटरसाइकल ठोक्किएका थिए । प्र २ ०३ ००६ प ६७ नम्बरको मोटरसाइकलबाट लडेका व्यक्तिलाई मलंगवाबाट काठमाडौं तर्फ जाँदै गरेको ना ७ ख १८३६ नम्बरको बसले किचेको थियो । उनको घटनास्थलमै मृत्यु भएको…

१५ मङ्सिर,जनकपुरधाम। मदन पुरस्कार विजेता लेखक रामलाल जोशीलाई ‘बाआमा’ नामक आख्यान कृतिका लागि लालबन्दी वाङ्मय भाषा तथा साहित्य पुरस्कार प्रदान गरिएको छ । लालबन्दी नगर वाङ्मय परिषद् सर्लाहीद्वारा आज आयोजित कार्यक्रममा जोशीलाई राष्ट्रियतर्फको ‘लालबन्दी नगर वाङ्मय परिषद् भाषा तथा साहित्य पुरस्कार–२०८०’ पुरस्कार अर्पण गरियो । उहाँलाई नगद रु ५० हजारसहित सम्मान गरिएको हो । यसैगरी ‘लालबन्दी नगर वाङ्मय परिषद् स्थानीय प्रतिभा पुरस्कार–२०८०’ साहित्यकार देवराज पौडेललाई प्रदान गरिएको छ । उहाँलाई नगद रु १० हजारसहित सम्मान गरिएको हो । उहाँहरूलाई कार्यक्रमका प्रमुख अतिथि वरिष्ठ साहित्यकार डा राजेन्द्र विमल, मधेस प्रज्ञा प्रतिष्ठानका कुलपति रामभरोश कापरी ‘भ्रमर’लगायतले संयुक्तरूपमा कदरपत्र तथा नगदसहित पुस्कार प्रदान…

१५ मंसिर, काठमाडौं । काठमाडौंको थलीमा भएको सवारी दुर्घटनामा एक जनाको मृत्यु भएको छ । कागेश्वरी मनोहरा नगरपालिका-५ थलीमा बिहीबार राति प्रदेश ३-०१-०० ३ क ६४८८ नम्बरको गाडी र बाग्मती प्रदेश ०२(०३२ प ३३४१ नम्बरको मोटरसाइकल एक आपसमा ठक्कर खाएको थियो । दुर्घटनामा मोटरसाइकलमा सवार शंखरापुर नगरपालिका(८ साखु घुमार चोक घर भएका ३० वर्षीय सुलभ मोक्तानको मृत्यु भएको छ । दुर्घटनामा गम्भीर घाइते भएका उनको नारायणटारस्थित शंखरापुर अस्पतालमा उपचारको क्रममा मृत्यु भएको प्रहरीले जनाएको छ । दुर्घटनामा घाइते भएका मोटरसाइकल चालकको उपचार भइरहेको छ । गाडी चालक फरार छन्, उनको खोजी भइरहेको प्रहरीले जनाएको छ ।

१५ मंसिर, काठमाडौं । सरकारले जाजरकोट र रुकुम पश्चिमका भूकम्प प्रभावितका लागि अस्थायी आवास बनाउन ५ अर्ब रुपैयाँ लाग्ने अनुमान गरेको छ । राष्ट्रिय सभाको राष्ट्रिय सरोकार तथा समन्वय समितिको बैठकमा गृहमन्त्रालयका सचिव दिनेश भट्टराईले सरकारी अनुमानबारे जानकारी गराएका हुन् । ‘अस्थायी अवासका लागि ५ अर्ब चाहिन्छ’ उनले समिति बैठकमा भने । प्रत्येक परिवारलाई अस्थायी अवास निर्माणका लागि ५० हजार दिने सरकारको निर्णय छ ।गृहमन्त्रालयका अनुसार जाजरकोटमा ९ हजार ७९४ घरमा पूर्ण क्षति भएको छ भने २४ हजार घरमा आशिंक क्षति भएको छ । रुकुम पश्चिममा १६ हजार ५७० घरमा आंशिक क्षति भएको छ भने ९ हजार ९६१ घरमा आंशिक…

१५ मंसिर, काठमाडाैँ।  विगत १० वर्षदेखि नेपाली उड्डयन क्षेत्रलाई कालो सूचीमा राखेको युरोपियन युनियन (इयु)ले निरन्तरता दिएको छ। इयूले विभिन्न कारण देखाउँदै नेपाली वायुसेवाहरूलाई युरोपेली मुलुकमा उडानको प्रतिबन्ध कायमै रहेको पत्र बुधबार नेपाल नागरिक उड्डयन प्राधिकरणलाई पठाएको हो। इयुले यसपटक प्राधिकरण र नेपाल वायुसेवा निगमलाई तत्काल गर्नुपर्ने कामहरूकाे सुझाव दिएको छ। - इयुले निगमको नेतृत्व, प्रक्रिया पद्धति तथा समग्र प्रणालीमा कायपलट गरिनुपर्ने। - निगमले एसएमएस कडाइका साथ लागू गर्नुपर्ने। - वार्षिक अडिटले औंल्याएका कमी कमजोरीहरूको सुधार गर्नुपर्ने। - अडिट चेकलिस्टको गुणस्तर सुधार गर्नुपर्ने। - उडान समयको निश्चितता, डकुमेन्ट व्यवस्थापन, सुझाव कार्यान्वयन जस्ता पक्षमा गम्भीर कमजोरी रहेकोले यसकाे सुधार गर्नुपर्ने। - वायुयानको उडान…