नमुना वडा बनाउन अहोरात्र खटिरहनु भएको छ, : अध्यक्ष गुरुङ
३ फागुन, काठमाडाैँ । गण्डकी प्रदेश मनाङ जिल्लामा अवस्थित चामे गाउँपालिका वडा नं.२ का वडा अध्यक्ष मंगल देब गुरुङले स्थानीय तहको निर्वाचनमा अत्यन्त बहुमत ल्याएर अध्यक्ष पदमा निर्वाचीत हुनुभयो ।
चामे गाउँपालिका वडा नम्बर २ का वडा अध्यक्ष मंगल देब गुरुङले वडाको कार्यभार समाल्दै निरन्तर विकासका काममा लागि परीरहनु भएको छ ।
उहाँ स्थानीय तह निर्वाचन पश्चात वडामा वडाबासीहरुको समस्याको समाधानका सार्थै विकास निर्माणका कामहरु गर्दै आउनुभएको छ ।
वडा अध्यक्ष गुरुङ भन्नुहुन्छ, “हामीले उपभोक्ता समिती मार्फत् काम गरीरहेका छौ, केही योजनाका कामहरु सम्पन्न हुन लागेको छ भने केही काम सुरु हुन लागेको छ ।”
स्थानीय तहको निर्वाचित पछि वडामा शिक्षा, स्वास्थ्य, सडक, कृषि, खानेपानी, सरसफाई, विद्युत तथा भौतिक पुर्वाधार विकास निमार्णका योजना तथा कार्यक्रमहरुमा बजेट विनियोजन गरेको वडा अध्यक्ष गुरुङले बताउनुभयो ।
उहाँले वडा खबरसंग कुरा गर्दै भन्नुभयो, ” वडामा पहिलो प्राथमिकता तटबन्धनलाई दिए साथ साथै खोला नालामा तटबन्धन लागाउने कामलाई जोड दिइएको छ । ”
त्यसै गरी खानेपानीको क्षेत्रमा मर्मत सम्भार गर्दै घरघरमा धारा पुराउने अभियानका साथ काम गरिरहेको उहाँले बताउनुभयो ।
सडक बाटोको स्तरउन्नति गर्दै ग्राभेल गर्ने र कुनै ठाउँमा ढलान गर्ने योजना रहेको वडा अध्यक्ष गुरुङले प्रष्ट पार्नुभयो ।
स्वास्थ्यको क्षेत्रमा मध्यनजर गर्दै वडामा स्वास्थ्य चौकीको भवन निमार्णको काम भईरहेको उहाँले बताउनुभयो ।
कृषिको क्षेत्रमा जोड दिदै कृषकलाई तालिमको व्यवस्था गरेको र कृषि फर्म खाल्ने योजनामा रहेको वडा अध्यक्ष गुरुङले जानकारी दिनुभयो ।
वडामा धेरै योजना तथा कार्यक्रमहरु रहेको छन । ति योजनाहरु सम्पन्न गर्नको लागि अहोरात्र खटिरहेको वडा अध्यक्ष गुरुङले जानकारी दिनुभयो ।
स्रोत साधनले भ्याएसम्म समग्र वडालाई समेट्दै निरन्तर कामहरु अगाडि बढाईरहेको अध्यक्ष गुरुङले प्रष्ट पार्नुभयो ।
अन्त्यमा वडाबासीहरुलाई के भन्न चाहानुहुन्छ ?
वडा नम्बर २ प्रति पुर्ण आभारी छु । मलाई अमुल्य भोट दिएर वडा अध्यक्षमा जिताउनु हुने सम्पुर्ण वडा नम्बर २ वडाबासीहरुलाई विशेष धन्यवाद दिन चाहान्छु । जसरी जनताले म प्रति विश्वास गर्नु भएको छ ,जनताको त्यो विश्वासलाई टुट्न दिनेछैन । वडाको चौतर्फी विकासको लागि वडामा म सदैब लागि परिरहने छु ।