३० असाेज, काठमाडाैं । हाल नेपालमा पश्चिमी वायूको प्रभाव रहेको छ।
मंगलबार बिहान देशभर आंशिकदेखि सामान्य बदली रहेकाे छ। साथै बागमती प्रदेशको केही स्थानहरुमा मेघगर्जन/चटयाङसहित हल्कादेखि मध्यम वर्षा भैरहेको माैसम पूर्वानुमान महाशाखाले जनाएकाे छ।
मंगलबार दिउँसो भने देशभर आंशिकदेखि सामान्य बदली हुनेछ। त्यस्तै, कोशी, बागमती प्रदेश लगायत देशका पहाडी भू-भाग र तराईका केही स्थानहरूमा मेघगर्जन/चट्याङ्गसहित हल्का वर्षाको सम्भावना रहेको छ। त्यस्तै, देशको उच्च पहाडी तथा हिमाली क्षेत्रका केही स्थानहरुमा हल्का हिमपातको सम्भावना रहेको छ।
मंगलबार राति भने सुदूरपश्चिम, कर्णाली, लुम्बिनी र गण्डकी प्रदेशमा आंशिकदेखि सामान्य बदली हुने भएकाे छ। त्यस्तै, बाँकी भू-भागमा भने आंशिक बदलीदेखि मौसम सामान्यतया सफा रहनेछ। साथै देशका पहाडी भू-भागका केही स्थानमा मेघगर्जन/चट्याङ्गसहित हल्का वर्षाको सम्भावना रहेको महाशाखाले जनाएकाे छ।
