२५ जेठ ,काठमाडाैं। नेपालको सुदूरपश्चिम प्रदेशको कञ्चनपुर जिल्लामा पर्ने यो नगर पालिका नेपाल सरकारको मिति २०७१।०८।१६ गतेको निर्णयानुशार देशभरी गठन भएका ६१ नगरपालिकाहरु मध्ये एक नगरपालिका हो ।
यस क्षेत्रमा नगरपालिका हुन पुर्व झलारी, पिपलाडी र देखतभुलीका वडा न ६,४ गरी तिन वटा गा.वि.स थिए र ती तिन वटा गा.वि.सका वडाहरु समायोजन भै शुक्लाफाँटा नगरपालिका बनाईएको हो ।
नेपाल सरकारको मन्त्रीपरिसदको मिति २०७३र११र०९ निर्णयबाट स्थानीय तहको शासन सञ्चालन सम्बन्धमा जारी गरेको आदेश २०७३ अनुसार यो शुक्लाफाँटा नगरपालिकामा जम्मा १२ वटा वडा मिलेर बनेको छ ।
जिल्लाको सदरमुकाम भीमदत्तनगर देखि २० कि.मि टाढा पश्चिम तर्फ रहेको यस नगरपालिकाले आफ्नै खालको धार्मिक, राजनैतिक र सामाजिक महत्व र विशेषता बोकेको छ । यस नगरपलिकाक्षेत्रमा सबै जात जाती धर्म क्षेत्रका मानिसहरुको मिश्रित बसोवास रहेको छ ।
कञ्चनपुर जिल्लाको शुक्लाफाँटा नगरपालिकामा वडा नम्बर २ मा अहिले विकासका काम तीव्र गतिमा भइरहेको छ । पछिल्लो समय वडा नम्बर २ मा वडावासीलाई लक्षित गरी विभिन्न कार्यक्रम तथा योजनाहरु ल्याइएको छ ।
वडा अध्यक्ष भोदुराम डगौराले वडावासीको विकास र समृद्धिको लागि वडामा विभिन्न कार्यक्रम तथा योजना गाउँ परिषदबाट पारित भएको बताउनुभयो ।
वडामा शिक्षा, स्वास्थ्य, खानेपानी, सरसफाई, बाटो सडक र कृषि लगायत क्षेत्रमा राम्रो काम गरेको उहाँले बताउनुभयो ।
जनप्रतिनिधिले चाहेको खण्डमा वडामा काम गर्न कुनै कठिनाई नभएको वडा अध्यक्ष डगौराले जानकारी दिनुभयो ।
उहाँले अहिले वडामा दुई वटा योजना सम्पन्न भइसकेको बताउनुभयो । उहाँले भन्नुभयो, वडा स्तरीय खेलकुद र वडामा डगौराको बस्ति धेरै भएकोले पुख्र्यौली सांस्कृतिक बचाउ कार्यक्रम सम्पन्न भएको छ।
वडामा कृषि क्षेत्रलाई पहिलो प्राथमिकता दिएको उहाँले बताउनुभयो । वडा अध्यक्ष वडामा निर्वाचित भएर आएपछि वडामा काम गर्न कुनै गाह्रो महशुस नभएको उहाँले बताउनुभयो ।
गुणस्तरीय शिक्षाको लागि विद्यालयको प्रधानाध्यापकलाई सधै भेटघाट गरेर शैक्षिक क्षेत्रको लागि परार्मश दिने तथा समन्वय गर्ने गरिएको उहाँले बताउनुभयो ।
उहाँलाई वडाबासीले साथ र सहयोग दिएकोले वडामा काम गर्न कुनै गाह्रो नभएको उहाँले बताउनुभयो ।
उहाँले यस वडालाई कृषि व्यावसायिकमुखिकरण बनाउने लक्ष्य राखेकोे बताउनुभयो।
वडा अध्यक्षमा निर्वाचित हुँदा कस्तो अनुभूति भयो ? भनेर सोधेको प्रश्नमा उहाँको उत्तर
मलाई वडाबासीहरूले विश्वास गरेर वडा अध्यक्षमा जिताउनुभयो । जनताको मतबाट निर्वाचित हुँदा निकै खुशी लाग्यो । जुन विश्वास जनताले मलाई गर्नुभएको छ, त्यो विश्वासलाई म निराश हुन दिनेछैन । जनताको चाहना अनुसार काम गरेर देखाउने अठोट मैले गरेको छु ।
अन्त्यमा केही भन्न चाहनुहुन्छ ?
अन्त्यमा मलाई आफ्नो अमूल्य भोट दिएर मलाई जिताउनु हुने सम्पूर्ण २ नम्बर वडाबासीहरूलाई धन्यवाद दिन चाहन्छु । जसरी मलाई विश्वास गरेर वडा अध्यक्षमा जिताउनु भएको छ । त्यसरी नै जनताको विश्वासलाई म टुट्न दिनेछैन । जनताको हितका लागि र वडाको विकासका लागि म सदैव तयार हुनेछु ।
