मेराे वडा

चितवन । तलब सुविधाबाट विपन्न परिवारका लागि स्वास्थ्य बीमा गरिदिएका छन्। इच्छाकामना गाउँपालिकाको वडा नम्बर ४ का वडाध्यक्ष रूद्रप्रसाद गिरीले ६१ परिवारको स्वास्थ्य बीमा गरिदिएका हुन्। थप दस परिवारको बीमा गर्न लागेको उनले बताए। २०७९ जेठ ९ गते शपथग्रहण गर्दा उनले विपन्न परिवारको स्वास्थ्य बीमा गरिदिने र वृद्धवृद्धालाई घर–घरमा वृद्धभत्ता उपलब्ध गराउने वाचा गरेका थिए। ‘त्यही प्रतिबद्धताअनुरूप हाम्रो वडाले वृद्धभत्ता घर–घरमा लगेर बाँडिरहेको छ। विकट क्षेत्रमा म आफैं पुग्ने गरेको छु,’ उप्रेतीले भने, ‘स्वास्थ्य बीमाको प्रतिबद्धता पनि पुरा गर्दैछु।’ उनले गत जेठ ९ गतेदेखि असार मसान्तसम्म आफूलाई तलब र इन्धन सुविधाबापत प्राप्त भएको प्रतिमहिना २१ हजार ७९० रूपैयाँबाट स्वास्थ्य बीमा…