अन्तर्राष्ट्रिय

काठमाडौं । चिनियाँ नौसेनाका एक पूर्व अधिकारीले आइतबार ताइवानको क्षेत्रीय जलक्षेत्रमा घुसपैठ गरे। उनले आफ्नो स्पीडबोट सिधै राजधानी ताइपेई बाहिर एउटा घाटमा लगे। चीनसँगको बारम्बार तनाव र उच्च सुरक्षा उपायहरूको बीचमा ताइवानका शीर्ष राजनीतिज्ञहरूले उनीहरूको क्षेत्रमा चिनियाँ व्यक्तिको घुसपैठको कडा आलोचना गरेका छन्। ताइवानमा प्रवेश गर्ने प्रयास गर्ने पूर्व चिनियाँ नौसेना अधिकारीले आफ्नो नाम रुआन खुलाएका छन्। संदिग्ध चिनियाँ नागरिकले ताइपेई नजिकै तामसुई नदीमा प्रवेश गरेपछि आफ्नो स्पीडबोटलाई डुङ्गासँग ठक्कर दिएको ताइवान कोस्ट गार्डले जनाएको छ। रुआनले एक दिनअघि नै चीनको फुझोउबाट ताइवानको यात्रा सुरु गरेको बताए । ताइवान कोस्ट गार्डले उनको स्पीडबोटमा कुनै शंकास्पद वस्तु फेला पारेन। ताइवान कोस्ट…

बेइजिङ । चीनको एउटा पार्कमा अमेरिकी नागरिकहरूमाथि चक्कु प्रहार भएको छ । उत्तर पूर्वी चीनको चिलिन प्रान्तस्थित एक पार्कमा सोमबार सो हमला भएको बताइएको छ । हमलामा पर्ने चारै जना अमेरिकीहरू आईओवा विश्वविद्यालयका शिक्षकहरू भएको अमेरिकी सञ्चार माध्यम र अमेरिकाको सरकारी अधिकारीहरूले बताएका छन् । पीडितमध्ये एक आफ्नो भाइ भएको आईओवाका प्रतिनिधि एडम जाब्नरले रोयटर्सलाई भनेका छन् । चिलिन सहरमा रहेको एक मन्दिरमा जाने क्रममा भाइ डेभिड जाब्नरमाथि आक्रमण भएको र हातमा चोट लागेको उनले बताएका छन् । घटनाको समयमा जाब्नरको समूह बेइशान पार्कमा रहेको एक मन्दिरमा गएका थिए । आक्रमणको उद्देश्य अज्ञात रहेको बताइएको छ । सोमबार माइक्रो ब्लगिङ…

काठमाडाैँ । लगातार तेस्रो कार्यकालका लागि भारतको प्रधानमन्त्रीमा निर्वाचित नरेन्द्र मोदी नेतृत्वमा नवगठित मन्त्रिपरिषद्‌को पहिलो बैठकले गरिबका लागि थप ३ करोड नयाँ घर बनाउने निर्णय गरेको छ। भारतीय सञ्चारमाध्यमका अनुसार सोमबार बसेको मोदी मन्त्रिपरिषद्को पहिलो बैठकले प्रधानमन्त्री आवास योजनाअन्तर्गत घरको आवश्यकता परेका गरिब नागरिकका लागि थप ३ करोड घर बनाउने निर्णय गरेको हो। गाउँ र सहरमा बनाइने यी घरमा शौचालय, बिजुली, पानी र ग्यास जडान हुनेछ। प्रधानमन्त्री मोदीले पहिलो कार्यकालका बेला सन् २०१५/१६ मा यो योजना सुरु गरेका थिए। यस योजनाअन्तर्गत विगत १० वर्षमा ४.२१ करोड घर बनाइसकिएको भारतीय सञ्चारमाध्यमले उल्लेख गरेका छन्। सोमबार बसेको भारतीय मन्त्रिपरिषद्को पहिलो बैठकमा विपन्न…

भारतको औपचारिक भ्रमणमा रहेका प्रधानमन्त्री पुष्पकमल दाहाल ‘प्रचण्ड’ र उनका समकक्षी नरेन्द्र मोदीबीच भेटवार्ता भएको छ। आइतबार बेलुका भएको भेटमा प्रधानमन्त्रीले लगातार तेस्राे कार्यकालका लागि भारतको प्रधानमन्त्रीको पदभार ग्रहण गरेकाेमा समकक्षी मोदीलाई बधाई दिँदै उनको तेस्राे कार्यकालमा नेपाल र भारतबीचको सम्बन्ध थप उचाइमा पुग्ने विश्वास व्यक्त गरे। भेटमा उनीहरूबीच नेपाल–भारतबीच रहिआएको आपसी सम्बन्ध र द्विपक्षीय हितका विविध विषयमा छलफल भएको थियो। सो अवसरमा उनीहरूबीच विगतमा भएका समझदारी एवं सम्झौताहरूको कार्यान्वयनबारे छलफल भएको थियो। प्रधानमन्त्री प्रचण्ड आइतबार साँझ प्रधानमन्त्री मोदीको शपथग्रहण समारोहमा सहभागी भएका थिए। उनी आइतबार नै भारतको नयाँदिल्ली प्रस्थान गरेका थिए। प्रधानमन्त्री प्रचण्ड आज साँझ स्वदेश फर्किने कार्यक्रम छ।…

काठमाडौं । भारतको औपचारिक भ्रमणमा रहनुभएका प्रधानमन्त्री पुष्पकमल दाहाल ‘प्रचण्ड’ले राष्ट्रपति द्रौपदी मुर्मुसँग शिष्टाचार भेट गरेका छन्। नयाँ दिल्लीस्थित राष्ट्रपति भवनमा आज प्रधानमन्त्री प्रचण्डले राष्ट्रपति मुर्मुसँग भेट गरेका हुन्। सो अवसरमा राष्ट्रपति मुर्मु र प्रधानमन्त्री प्रचण्डबीच नेपाल–भारतबीच सदियौंदेखि रहीआएको आपसी सम्बन्ध र द्विपक्षीय हितका विविध विषयमा छलफल भएको थियो । त्यसैगरी उहाँहरूबीच दुई देशबीचका जनतामाझको परम्परागत सम्बन्धलाई थप प्रगाढ तुल्याउने विषयमा छलफल भएको थियो । प्रधानमन्त्री प्रचण्ड आइतबार साँझ प्रधानमन्त्री मोदीको सपथ ग्रहण समारोहमा सहभागी भएका थिए। सपथ ग्रहणपछि प्रधानमन्त्री प्रचण्ड र उहाँका समकक्षी मोदीबीच भेटवार्ता भएको थियो । सो भेटमा प्रधानमन्त्रीले लगातार तेश्रो कार्यकालका लागि भारतको प्रधानमन्त्रीको पदभार ग्रहण…

नयाँदिल्ली । प्रधानमन्त्री पुष्पकमल दाहाल ‘प्रचण्ड’ र भारतका नवनियुक्त केन्द्रीय मन्त्री एस. जयशङ्करबीच भेटवार्ता भएको छ । सोमबार नयाँदिल्लीमा दाहाल बसेको होटल ताजमा आएर जयशङ्करले भेट गरेका हुन् । भेटमा प्रधानमन्त्री दाहालले जयशङ्करलाई बधाइ तथा कार्यकालको शुभकामना दिएका छन् । दाहाल र जयशङ्करबीच द्विपक्षीय सम्बन्ध, आपसी सहयोग र विगतमा भएका सम्झौता एवम् समझदारी कार्यान्वयनबारे कुरा भएको बुझिएको छ । प्रधानमन्त्री दाहाल आइतबार नयाँदिल्ली गएका हुन् । भारतीय प्रधानमन्त्री नरेन्द्र मोदीको शपथग्रहण कार्यक्रममा सहभागी हुन दाहाल दिल्ली गएका थिए ।

काठमाडौँ । जाम्बियामा साइबर सम्बन्धी अपराधका लागि २२ चिनियाँ नागरिक र एक क्यामेरोनियन व्यक्तिलाई लामो जेल सजाय सुनाइएको छ । उक्त गिरोहमा रहेकी एकमात्र महिला गु टियानजियाओलाई लुसाका मजिस्ट्रेट अदालतले सात वर्षको सजायको घोषणा गरेको बीबीसीले जनाएको छ । गिरोहका मास्टरमाइन्ड ली जियानलिन सहित कतिपयलाई ११ वर्ष सम्म जेल सजाय सुनाइएको छ । गिरोहका सदस्यहरूलाई १ हजार ५ सय देखि ३ हजार अमेरिकी डलरसम्म जरिवाना पनि गरिएको छ । सिंगापुर, पेरु र संयुक्त अरब इमिरेट्स जस्ता देशका पीडितहरू उनीहरूको साइबर आक्रमणमा परेका जाम्बियाका अधिकारीहरूले जनाएका छन् ।

काठमाडौं । ताइवानले करीब २६ चिनियाँ लडाकु विमान र १० वटा युद्धपोतहरु आफ्नो सीमा नजिकै देखिएको बताएको छ। ताइवानी सञ्चारमाध्यमका अनुसार २६ मध्ये १९ वटा लडाकु विमानले चीन र ताइवानबीचको सिमानालाई विभाजित गर्ने मध्य रेखा पार गरेका छन् । चीनको यो कदमलाई उत्तेजक कार्यको रूपमा व्याख्या गरिएको छ । चिनियाँ लडाकु विमानको जवाफमा ताइवानले पनि आफ्ना लडाकु विमान र युद्धपोत परिचालन गरेको ताइवानका सञ्चार माध्यमले उल्लेख गरेका छन् । पछिल्लो समय ताइवानी राष्ट्रपति लाई चिङ तेले आफ्नो सपथग्रहण समारोहमा चीनलाई विश्व शान्ति एवं स्थायित्वका लागि सबैभन्दा ठूलो रणनीतिक चुनौतीको संज्ञा दिएपछि चीन क्रुद्ध बनेको छ । ताइवानमा नयाँ सरकार गठन…

काठमाडौं । भारतमा एनडीए गठबन्धनले बहुमत हासिल गरेकोमा प्रधानमन्त्री पुष्पकमल दाहाल ‘प्रचण्ड’ले भारतका प्रधानमन्त्री नरेन्द्र मोदीलाई बधाई दिएका छन्। सामाजिक सञ्जाल एक्समार्फत प्रधानमन्त्री प्रचण्डले मोदीलाई बधाई दिएका हुन् । जवाफमा मोदीले शुभेच्छाका लागि प्रधानमन्त्री प्रचण्डलाई धन्यवाद भनेका छन् । उनले आफू भारत—नेपाल सम्बन्धलाई अझ बलियो बनाउन निरन्तर सहयोगका लागि प्रतिक्षारत रहेको समेत जनाएका छन् । प्रम @cmprachanda सँग कुरा गर्न पाउँदा अत्यन्तै खुशी लाग्यो। वहाँको न्यानो शुभकामनाको लागि वहाँलाई धन्यवाद व्यक्त गरेँ। भारत र नेपालबीचको गहिरो र बहुआयामिक साझेदारीलाई सुदृढ गर्ने हाम्रो साझा प्रतिबद्धतामाथि जोड दिँदै हाम्रो सम्बन्धमा सकारात्मक गति कायम राख्ने कुरामा सहमत भयौं। https://t.co/dZoksSoMUL — IndiaInNepal (@IndiaInNepal) June…

काठमाडौँ । ताइवानले मंगलबार र बुधबार बिहान करिब २६ चिनियाँ लडाकु विमान र १० वटा युद्धपोत ताइवानको सीमा नजिकै देखिएको बताएको छ । ताइवानी सञ्चारमाध्यमका अनुसार २६ मध्ये १९ वटा लडाकु विमानले चीन र ताइवानबीचको सिमानालाई विभाजित गर्ने मध्य रेखा पार गरेका छन् । चीनको यो कदमलाई उत्तेजक कार्यको रुपमा व्याख्या गरिएको छ । चिनियाँ लडाकु विमानको जवाफमा ताइवानले पनि आफ्ना लडाकु विमान र युद्धपोत पठाएको ताइवानी मिडियाले जनाएका छन् । साथै चीनको कुनै पनि दुस्साहसलाई जवाफ दिन सक्ने गरी तटीय क्षेत्रमा आफ्नो मिसाइल प्रणाली सक्रिय गरेको छ । नयाँ राष्ट्रपति लाइ चिङ तेहले मे २० मा ताइवानको राष्ट्रपतिको रूपमा…