समाज

काठमाडाैं । २५ हजार अमेरिकन डलरसहित एक चिनियाँ नागरिक त्रिभुनवन अतर्राष्ट्रिय विमानस्थलबाट पक्राउ परेका छन्। २९ वर्षीय चिनियाँ नागरिक कोय बिनचाङलाई त्रिभुवन अन्तर्राष्ट्रिय विमानस्थलको अन्तर्राष्ट्रिय उडानतर्फको प्रस्थानबाट पक्राउ गरिएको हो। ह्याण्ड ब्यागेज चेकिङ एरियामा जाँच गर्ने क्रममा उनको ब्यागभित्र उक्त डलर फेला परेको प्रहरीले जनाएको छ। १ सय दरको २५० थान अमेरिकन डलर उनीबाट बरामद भएको हो। आजको विनियम दरअनुसार उक्त डलरको नेपाली रुपैयाँ ३३ लाख ४८ हजार हुन्छ। पक्राउ परेका चिनियाँ नागरिक कोय चाइना साउथर्नको उडानद्वारा काठमाडौंबाट चीनको गोन्जाउ जान लागेका थिए। उनलाई आवश्यक अनुसन्धान एवम् कारबाहीको लागि राजश्व अनुसन्धान विभाग हरिहरभवन पुल्चोक ललितपुर पठाइने प्रहरीले जनाएको छ।

काठमाडौं । बैंकिङ कसुर मुद्दामा ४ करोड जरिवाना र ३ वर्ष कैद सजाय भएकी घराना डेभलपर्सकी सञ्चालक पक्राउ परेकी छन् । काभ्रेको बनेपा घर भएकी ४५ वर्षीया मन्दिरा केसीलाई केन्द्रीय अनुसन्धान ब्यूरो (सीआईबी)को टोलीले पक्राउ गरेको हो । उनले क्यापिटल मर्चेन्ट तथा फाइनान्स कम्पनी लिमिटेडका पदाधिकारी तथा कर्मचारीलाई प्रभावमा पारेर घराना डेभलपर्सका नाममा रहेका भक्तपुरको साविक चाँगुनारायण गाविस ७ र ९ का जग्गा धितो राखेर कर्जा लिएकी थिइन्। तर तोकिएको परियोजनामा कर्जा लगानी नगरी दुरुपयोग गरेको भन्दै बैंकिङ कसुर मुद्दामा उच्च अदालत पाटनले उनलाई २०७१ वैशाख २९ गते दोषी ठहर गरेको थियो। अदालतले ३ वर्ष कैद र ४ करोडको जरिवाना…

काठमाडौं । ठमेलमा एक जना चिनियाँ नागरिक मृत अवस्थामा भेटिएका छन् । क्वाबहालस्थित नेपालय होम होस्टलमा ४७ वर्षीय बाओ ग्वाङलाई मृत अवस्थामा फेला परेको प्रहरी वृत्त, सोह्रखुट्टेले जनाएको छ । उनी १० माघदेखि उनी नेपालय होम होस्टलमा बस्दै आएका थिए । हालसम्मको अनुसन्धानमा कुनै शंकास्पद कारण नदेखिएको सोह्रखुट्टे प्रहरीका एक अधिकृत बताउँछन् । उनले पछिल्लो समय केही औषधि सेवन गरिरहेको भेटिएको छ ।

काठमाडौं । नेपाली सांसदको प्रतिनिधिमण्डलले मुम्बईस्थित रहेकाे क्रिकेट रंगशालाको भ्रमण गरेको छ। नेपालको अन्तर्राष्ट्रिय सम्बन्ध तथा पर्यटन सम्बन्धी संसदीय समितिका प्रतिनिधिहरूले मुम्बईको प्रसिद्ध वानखडे क्रिकेट रंगशालाको भ्रमण गरेको हाे । भारतीय संसदको औपचारिक निम्तोमा भारत भ्रमणमा रहेको प्रतिनिधिसभाअन्तर्गतको अन्तर्राष्ट्रिय सम्बन्ध तथा पर्यटन समितिका सभापती राजकिशोर यादव नेतृत्वको सांसदको टोलीले क्रिकेट रंगशालाको भ्रमण गरेको काठमाडाैंस्थित रहेकाे भारतीय राजदूतावासले जनाएकाे छ । यसअघि समितिले भारतीय विदेश राज्यमन्त्री भी मुरलीधरणसङ्ग दिल्लीमा भेटवार्ता गरेको थियो। संघीय संसदअन्तर्गतको अन्तर्राष्ट्रिय सम्बन्ध तथा पर्यटन संसदीय टोलीले ६ फेब्रुअरीसम्म भारतको संसदीय व्यवस्थाबारे अध्ययन गर्नेछ । संसदीय टोलीले भारतीय नयाँ संसद् भवनको निरीक्षणका साथै सभामुख, विदेशमन्त्री र पर्यटनमन्त्रीसँग भेट…

काठमाडाैं । गत साउन महिना हिल्सानाकाबाट निकासी भएको चार सय ३४ कार्टुन अवैध चिनियाँ मदिरा हिल्सा प्रहरीले बरामद गरेकाे थियाे। बरामद गरिएको मदिरा हिल्सा प्रहरीले सात महिनादेखि गोदाममा तालाबन्दी गरेर थन्किएको छ। अवैध मदिरा चीनबाट नेपाल निर्यात गर्न रोक लगाइएको छ। बरामत अवैध चिनियाँ मदिरा न प्रहरीले नष्ट गरेको छ न व्यापारीको नाम नै सार्वजनिक नै गरेको छ। यस विषयमा जिल्ला प्रहरी कार्यालय हुम्लाका सूचना अधिकारी प्रहरी निरीक्षक नरेन्द्रबहादुर चन्दका अनुसार प्रहरीले बरामद गरेको मदिरा भान्सारको जिम्मा लगाएको हो। बरामद गरिएको मदिरा हिल्सामै गोदाममा तालाबन्दी गरेर राखेको सूचना अधिकारी चन्दले नयाँ पत्रिकाँग भने। उनले नष्ट गर्ने कि लिलाममा बिक्री गर्ने…