नमुना वडा बनाउन अहोरात्र खटिरहनु भएको छ,: अध्यक्ष लामा
२ फागुन, काठमाडाैँ । मनाङ जिल्लाको मनाङ ङिस्याङ गाउँपालिका वडा नं. ३ का वडा अध्यक्ष कृष्ण लामा स्थानीय तहको निर्वाचनमा अत्यन्त बहुमत ल्याएर अध्यक्ष पदमा पुन : निर्वाचीत हुनुभयो ।
मनाङ जिल्लाको मनाङ ङिस्याङ गाउँपालिका वडा नं. ३ मा अहिले विकासले मुहार फेरिरहेको छ । जनप्रतिनिधिले चाहेको खण्डमा वडाको विकास गर्न कुनै कठिनाइ हुँदैन भन्ने कुराको ज्वलन्त उदाहरण बनेका छन् वडा अध्यक्ष कृष्ण लामा ।
वडालाई नमुनाकै रुपमा स्थापना गर्न वडा अध्यक्ष अहोरात्र खटिरहनुभएको छ । जनताको विकास र समृद्धिको लागि वडामा धेरै काम गरेको उहाँले बताउनुभयो ।
उहाँ अघिल्लो कार्यकालमा पनि निर्वाचित हुनुभएको थियो भने गत वर्ष वैशाख महिनामा सम्पन्न स्थानिय तहको निर्वाचनमा पनि जनताको रोजाइमा पर्न सफल जनताको मन मस्तिष्कमा बस्न सफल भई पुनः निर्वाचित हुनुभएको छ ।
स्थानीय तहको निर्वाचित पछि वडामा शिक्षा, स्वास्थ्य, सडक, कृषि, खानेपानी, सरसफाई, धार्मिक,सांस्कृतिक,विद्युत तथा भौतिक पुर्वाधार विकास निमार्णका योजना तथा कार्यक्रमहरुमा बजेट विनियोजन गरेको वडा अध्यक्ष कृष्ण लामा बताउनुभयोे ।
वडा अध्यक्ष लामाले वडा खबरसंग कुरा गर्दै भन्नुभयो, ” चुङबेसी देखि नावल सम्म जाने बाटोको स्तरउन्नती गर्दै ढलान गर्ने काम सम्पन्न भएको छ । ” त्यसै गरी यस वडामा रहेको मे गुरुङ सम्फु गुफाको सिढी बाटोको निमार्ण कार्य भईरहेको वडा अध्यक्ष लामाले बताउनुभयो ।
कृषिको क्षेत्रमा सिचाईको लागि पक्कि कुलोको निमार्ण गरेको उहाँले बताउनुभयो । त्यसै गरी वडाको भवन बनाउने काम पनि सम्पन्न भएको छ ।
स्वास्थ्य चौकीको भवन नाजुक भएकाले अहिले नयाँ भवन निमार्णको काम सम्पन्न गरे साथ साथै स्वास्थ्यको कम्पाउन्डमा वाल निमार्णको काम पनि सम्पन्न भएको उहाँले जानकरी दिनुभयो ।
खानेपानीको क्षेत्रमा खानेपानी डिभिजनबाट पँचास हजारको पानी टयाङकीको निमार्ण गरेर घर घरमा धारा पुराउने काम सम्पन्न भएको वडा अध्यक्ष लामाले प्रष्ट पार्नुभयो ।
शिक्षाको क्षेत्रमा विद्यालयको भवन मर्मत सम्भार गरेर नयाँ भवन निमार्ण गर्ने काम सम्पन्न भईसकेको उहाँले बताउनुभयोे । त्यस्तै वडामा साना तिना योजनाहरु रहेका छन् । ति योजनाहरु सम्पन्न गर्न हामी अहोरात्र खटिरहेको वडा अध्यक्ष लामाले बताउनुभयो । स्रोत साधनले भ्याएसम्म वडाको समग्र क्षेत्रलाई समेट्दै निरन्तर कामहरु अगाडि बढाईरहेको उहाँले बताउनुभयो ।
अन्त्यमा वडाबासीहरुलाई के भन्न चाहानुहुन्छ ?
वडा नम्बर ३ प्रति पुर्ण आभारी छु । मलाई अमुल्य भोट दिएर वडा अध्यक्षमा जिताउनु हुने सम्पुर्ण वडा नम्बर ३ वडाबासीहरुलाई विशेष धन्यवाद दिन चाहान्छु । जसरी जनताले म प्रति विश्वास गर्नु भएको छ ,जनताको त्यो विश्वासलाई टुट्न दिनेछैन । वडाको चौतर्फी विकासको लागि वडामा म सदैब लागि परिरहने छु ।