विश्व साइकल यात्री पुष्कर शाहलाई बारबर्दिया ९ ले गर्याे सम्मान
२९ माघ ,काठमाडाैं । बर्दियाको बारबर्दिया नगरपालिका वडा नम्बर ९ ले विश्व साइकल यात्री पुष्कर शाहलाई स्वागत तथा सम्मान गरेको छ ।
वडा अध्यक्ष देवेन्द्र कुमार बिष्टले कोभिड 19 काे महामारीले थलिएको पर्यटनलाई उकास्न सतखलुवा सिमसार क्षेत्रमा विश्व साइकल यात्री शाह लगाएत नेपालका विभन्न स्थान र भारतका साईकल यात्रीहरूकाे आगमनले सहयोग पुग्ने बताउनुभयो।
उहाँले विश्व साइकल यात्रामा सहभागी कबिर ३ सय जनालाई खानाको समेत प्रबन्ध मिलानु भएकाे थियाे ।
सतखलुवा सिमसार क्षेत्रसम्म साइकल र्यालीमा सहभागी भएर पर्यटन बढाउन सहयोग गरेको भन्दै शाहलाई सम्मान गरिएको वडा अध्यक्ष बिष्टले बताउनुभयो ।
सम्मान ग्रहण गरेपछि साइकल यात्री शाहले स्वास्थ्य, वातारण र पर्यटनका लागि साइकल अनिवार्य भएको बताउनुभयो ।
साइकल चलाउँदा पर्यटन गतिविधिसमेत बढ्ने भन्दै पर्यटन प्रवर्धन गर्न साइकल यात्रालाई प्रोत्साहन गर्नुपर्नेमा उहाँले जोड दिनुभयो ।