२५ माघ, काठमाडाैं। नेपाल सरकारले जेष्ठ नागरिक, अपांग, एकल महिला लगाएत समुदायका विभिन्न उत्पिडित वर्गहरुलाई लक्षित गरि सामाजिक सुरक्षा भत्ता प्रदान गर्दै आईरहेको छ ।
गोरखा जिल्लाको आरुघाट गाउँपालिकामा पनि विभिन्न वडाहरुमा बैंक आफै गएर वडा कार्यालय वा घुम्ति शिविर सञ्चालन गरि भत्ता वितरण गरिरहेको छ ।
तर आरुघाट गाउँपालिका वडा नम्बर १० को भने परिस्थिति भिन्न छ । त्यहाँ वडा अध्यक्ष सन्जित श्रेष्ठ वुद्ध अशक्तहरुका लागि पञ्जिकरण शाखा र बैंक संग समन्वय गरि आफै भत्ता वितरण गर्न प्रत्यक्ष घरघर सम्म पुग्नुभएको छ ।
उहाँ भन्नु हुन्छ , ‘सरकारले जेष्ठ नागरिकलाई सहारा दिनको लागि भत्ता दिएको हो । उहाँहरुलाई घन्टौ हिडाएर बैंकमा लाएन बद्ध अवस्थामा राख्दा उहाँहरुको मतको अपमान हुन्छ । घरघरमा सामाजिक सुरक्षा भत्ता पुर्याएर उहाँहरूलाई केही हदसम्म सहज वातावरण बनाउने प्रयत्नमा लागी परेकाे छु ।’
जनप्रतिनिधि भनेको जनतासंग प्रत्यक्ष उहाँहरुको पिर मर्कामा सहायता दिन सक्ने हुनुपर्दछ । वडा अध्यक्ष श्रेष्ठले आगामि दिनमा यसरी नै जेष्ठ नागरिक र अशक्तहरुका लागि घरघरमै भत्ता पुराईरहेको पनि बताउनुभयो ।
यो संगै वडा नम्बर १० का सम्पुर्ण जेष्ठ नागरिक एवंम अशक्त सामाजिक सुरक्षा भत्ता लाभग्राहीहरुमा खुसी छाएको छ ।
वडा अध्यक्ष सन्जित श्रेष्ठ भत्ता वितरण गर्दै
वडा अध्यक्ष सन्जित श्रेष्ठ भत्ता वितरण गर्दै
