ओलीकाे प्रश्न सरकारमा कांग्रेस कहाँ छ ?

१२ असाेज, काठमाडौं । नेकपा (एमाले) का अध्यक्ष केपी शर्मा ओलीले वर्तमान सरकारले जनभावना अनुसार काम नगरेको आरोप लगाउनुभएको छ ।

उहाँले कांग्रेससहितको गठबन्धन सरकार भनिए पनि कांग्रेस कहाँ छ भन्दै प्रश्न समेत  गर्नुभएकाे हाे । एमाले कोशी प्रदेश अधिवेशन उदघाटन गर्न शुक्रबार विराटनगर पुग्नु भएका उहाँले विराटनगर विमानस्थलमा सञ्चारकर्मीसँग कुरा गर्दे सरकारले केही काम नगरेको आरोप लगाउनुभएको हो ।

उहाँले अब दलहरूले सरकारको विकल्पकाे बारेमा छलफल गर्ने समय भएको पनि बताउनुभयो । तर, आफूहरूले सरकारमा जान भने नचाहेको अध्यक्ष ओलीले दावी गर्नुभयो । नेकपा एमालेको कोशी प्रदेश अधिवेशन आजबाट सुरु हुँदैछ । अधिवेशनको उदघाटन गर्न अध्यक्ष ओली विराटनगर पुग्नु भएको हो ।

एमाले नेताहरुका अनुसार गृह प्रदेश भएका कारण अध्यक्ष ओलीले कोशी प्रदेश कमिटीमा सर्वसम्म नेतृत्व चयनका लागि निर्देशन दिनुभएको छ ।