प्रधानमन्त्री ट्रुडोले भने – क्यानडा चीनसँग डराउँदैन

एजेन्सी । क्यानडाका प्रधानमन्त्री जस्टिन ट्रुडोले क्यानडाले चीनसँग नडराउने बताएका छन् । चीन सरकारले क्यानाडाली कूटनीतिज्ञलाई देश छोड्न निर्देशन दिएपछि ट्रुडोको यस्ताे बयान आएको हो।

चिनियाँ सरकारले एक क्यानाडाली कूटनीतिज्ञलाई टाइट-फर-ट्याट चालको रूपमा निष्कासन गरेकाे निर्देशन दिएकाे बताइएको छ।

क्यानडाको ट्रुडो सरकारले चिनियाँ कूटनीतिज्ञलाई निष्कासन गरेपछि चिनियाँ सरकार रिसाएकाे छ । चीनले पनि मंगलबार सांघाईस्थित वाणिज्य दूतावासमा तैनाथ महावाणिज्यदूतलाई मे १३ सम्ममा देश छाड्न निर्देशन दिएर बदला लिएकाे छ।

आक्रोशित चिनियाँ दूतावासले क्यानाडाली पक्षलाई गलत कार्य रोक्न र गलत बाटोमा नजान आग्रह पनि गरेको छ । अब क्यानडाका प्रधानमन्त्री जस्टिन ट्रुडोले यस विषयमा चीनलाई जवाफ दिएका छन् ।

जवाफ दिँदै प्रधानमन्त्री ट्रुडोले क्यानडाले चीनसँग नडराएको बताए । मंगलबार पत्रकारहरूसँग कुरा गर्दै ट्रूडोले भने कि उनको सरकारले टोरोन्टोमा आधारित चिनियाँ कूटनीतिज्ञ झाओ वेईलाई यस हप्ता देशबाट निष्कासन गर्ने निर्णय “होशियारीपूर्वक” गरेको हो।

केही घण्टा पछि, बेइजिङले “पारस्परिक बदला” मा सांघाईमा क्यानाडाली कन्सुल जेनिफर लिन लालोन्डेलाई निष्कासन गर्ने घोषणा गरेकाे विभिन्न अन्तर्राष्टिय सञ्चार माध्यममा जनाइएकाे छ ।

ट्रूडोले भने कि उनको सरकार बेइजिङले बदला लिन सक्छ भनेर सचेत थियो। उनले जवाफी कारबाही भइरहेको थाहा भए पनि डराउने छैनौं भनेका थिए । हामी क्यानाडालीहरूलाई विदेशी हस्तक्षेपबाट जोगाउन सक्दो प्रयास जारी राख्नेछौं।

“हामीले निर्णय गर्‍यौं कि हामीले विदेशी हस्तक्षेपलाई स्वीकार गर्दैनौं र उनीहरूले अर्को विकल्प छनौट गरे पनि हामी डराउने छैनौं भन्ने स्पष्ट सन्देश पठाउन जिम्मेवार तरिकाले अगाडि बढ्न आवश्यक छ,” क्यानडाका प्रधानमन्त्रीले भने।

क्यानडाले सोमबार एक गुप्तचर रिपोर्ट पछि चिनियाँ कूटनीतिज्ञ झाओ वेईलाई देशबाट निष्कासन गरेको छ। चिनियाँ कूटनीतिज्ञमाथि राजनीतिक हस्तक्षेप र क्यानडाका सांसदलाई निशाना बनाउने प्रयास गरेको आरोप छ। यद्यपि चीनले एक दिन अघिसम्म कुनै पनि हस्तक्षेप अस्वीकार गरेकाे छ।

क्यानडाका विदेशमन्त्री मेलानी जोलीले सोमबार एक विज्ञप्ति जारी गर्दै उनको सरकारले टोरन्टोस्थित चिनियाँ कूटनीतिज्ञ झाओ वेईलाई देश छाड्न आदेश दिएको बताइन्। उनले भने, ‘हाम्रो आन्तरिक मामिलामा कुनै पनि प्रकारको विदेशी हस्तक्षेप सहने छैन । क्यानडाका कूटनीतिज्ञहरूले यस्तो व्यवहार गरे उनीहरूलाई आफ्नै देशमा फिर्ता पठाइने चेतावनी दिइएको छ।’

यस महिनाको सुरुमा ग्लोब एण्ड मेल पत्रिकामा प्रकाशित एक रिपोर्टपछि क्यानाडाका प्रधानमन्त्री ट्रुडोको सरकारलाई कारबाही गर्न दबाब परेको थियो। चिनियाँ कूटनीतिज्ञले उइघुर अल्पसंख्यकको दमनको आलोचना गरेपछि क्यानाडाली विपक्षी नेता माइकल चोङ र चीनमा रहेका उनका आफन्तहरूलाई निशाना बनाएको क्यानडाको सुरक्षा खुफिया सेवाले अनुसन्धानमा पत्ता लगाएको प्रतिवेदनले जनाएको छ। गुप्तचर सेवाका अनुसार चीनले सन् २०१९ र २०२१ मा क्यानडाको संघीय चुनावको नतिजालाई प्रभाव पार्ने प्रयास गरेको थियो। रिपोर्ट सार्वजनिक भएदेखि माइकल चोङले झाओलाई हटाउन बारम्बार आह्वान गर्दै आएका थिए ।