चैत्र १६, काठमाडौं । प्युठान नगरपालिकास्थित वडा नम्बर ४ मा अहिले विकासले मुहार फेरिरहेको छ । जनप्रतिनिधिले चाहेको खण्डमा वडाको विकास गर्न कुनै कठिनाइ हुँदैन भन्ने कुराको ज्वलन्त उदाहरण बनेका छन अध्यक्ष रेशम बहादुर कार्की।
वडा नम्बर ४ को चौतर्फी विकासमा ध्यान केन्द्रित गरेर उहाँले कार्यक्रम तथा योजनाहरू अगाडि बढाउनु भएको छ ।
वडा अध्यक्ष कार्कीले भन्नुभयो, ‘वडाको चौतर्फी विकासको लागि विभिन्न कार्यक्रम तथा योजनाहरू अगाडि बढाइएको छ, खानेपानि,सडक, शिक्षा, स्वास्थ्य, कृषि, खेलकुद आदिलाई प्राथमिकतामा राखेर काम भइरहेको छ।’
उहाँले सडक मर्मतको काम पनि भइरहेको बताउनुभयो । त्यस्तै उहाँले आफ्नो वडालाई सफा, स्वच्छ र सुन्दर वडा बनाउन हरसम्भव प्रयास गर्ने प्रतिबद्धता गर्नुभयो ।
त्यसैगरी किसानका लागि सिँचाईको व्यवस्था गर्न पनि योजना बनाइएको बताउनुभयो । साथै उहाँले जनप्रतिनिधिमा नैतिकता हुन एकदमै जरुरी रहेको कुरा उल्लेख गर्नुभयो ।
वडा अध्यक्ष कार्कीले थप्दै भन्नुभयो, ‘हाम्रो देशमा सिस्टमको अभाव भएको महसुस भएको छ । विधि विधान छैन । राजनितिक अथिरताले देश कता जादै छ अार्थिक मन्दी बढिरहेको छ। पालिकामा पनि पहुचका आधारमा बजेट दखि लिएर हरेक गतिबिधि गरिन्छ ।’
निष्पक्ष रुपमा काम गर्दा पनि फलानो पाटि, गुट ,उपगुट भनेर खुट्टा तान्ने प्रविधि हावी छ । कसरी देश उभाे लाग्छ भनेर अध्यक्ष कार्कीले चिन्ता व्यक्त गर्नुभयो।
सिमित बजेटमा रहेर वडाका असिमित समस्या समाधान गर्न हामी निरन्तर रुपमा लागी रहेका छौ वडा अध्यक्ष कार्कीले बताउनुभयो ।
विगतभन्दा अहिले यो वडामा धेरै परिवर्तन आएको छ । शिक्षा तथा विकास निर्माणको कार्यमा उहाँले जगाएको उत्साह कै कारण वडामा चेतनाको स्तर बढेको छ ।
वडा अध्यक्षमा निर्वाचित हुँदा कस्तो अनुभूति भयो ? भनेर सोधेको प्रश्नमा उहाँको उत्तर
मलाई वडाबासीहरूले विश्वास गरेर वडा अध्यक्षमा जिताउनुभयो । जनताको मतबाट निर्वाचित हुँदा निकै खुशी लाग्यो । जुन विश्वास जनताले मलाई गर्नुभएको छ, त्यो विश्वासलाई म निराश हुन दिनेछैन । जनताको चाहना अनुसार काम गरेर देखाउने अठोट मैले गरेको छु ।
अन्त्यमा केही भन्न चाहनुहुन्छ ?
अन्त्यमा मलाई आफ्नो अमूल्य भोट दिएर मलाई जिताउनु हुने सम्पूर्ण ४ नम्बर वडाबासीहरूलाई धन्यवाद दिन चाहन्छु । जसरी मलाई विश्वास गरेर वडा अध्यक्षमा जिताउनु भएको छ । त्यसरी नै जनताको विश्वासलाई म टुट्न दिनेछैन । जनताको हितका लागि र वडाको विकासका लागि म सदैव तयार हुनेछु ।
