इस्लामावाद । पाकिस्तान मुस्लिम लिग–नवाजका अध्यक्ष सेहबाज सरिफ र पाकिस्तान पिपुल्स पार्टीका अध्यक्ष बिलावल भुट्टो र आसिफ अली जर्दारीबीच भेटवार्ता पछि दुवै दलले देशमा नयाँ सरकार गठनका लागि राजनीतिक गठबन्धनलाई निरन्तरता दिने निर्णय गरेका छन् ।
लाहोरस्थित बिलावल हाउसमा दुई दलबीच भेटवार्ता भएको थियो । दुई दलबीच राजनीतिक परिस्थितिबारे कुराकानी गरेका थिए । सरकार गठनका कसरी गर्नेभन्नेबारे दुबै दलबीच छलफल भएको थियो ।
बैठकपछि जारी विज्ञप्ति अनुसार मुस्लिम लिग (एन) र पिपुल्स पार्टीबीच राजनीतिक सहकार्यका लागि सैद्धान्तिक सहमति भएको छ । भेटमा देशको समग्र अवस्था र भावी राजनीतिक सहकार्यबारे पनि छलफल भएको थियो । मुलुकमा राजनीतिक स्थायित्व ल्याउन दुवै दलले गठबन्धनमा सरकार बनाउने निर्णय गरेका छन् ।
पाकिस्तानमा फेब्रुअरी ८ मा भएको राष्ट्रिय सभाको निर्वाचनमा इमरान खानको पार्टी पाकिस्तान तारिक–ए– इन्साफले समर्थन गरेको स्वतन्त्र उम्मेदवारहरुले सबैभन्दा बढी सिटमा जितेका थिए । पीटीआई समर्थित स्वतन्त्र उम्मेदवारले ९३ सिट जित्दा पीएमएल–एनले ७५ सिट र पीपीपीले ५४ सिट जितेका थिए ।
पाकिस्तानको नेशनल एसेम्बलीमा ३६६ सिट छ । यीमध्ये प्रत्यक्ष निर्वाचनमार्फत २६६ सिटमा प्रतिनिधिहरू चयन गरिन्छ । ६० सिट महिलाका लागि र १० सिट गैर मुस्लिम प्रतिनिधिका लागि आरक्षित गरिएको छ । प्रत्यक्ष निर्वाचनमा २६६ सिटमा भएको चुनावमा सरकार बनाउन कुनै पनि दललाई १३४ सिट चाहिन्छ ।
Related posts:
प्रधानमन्त्री प्रचण्ड र मन्त्री अब्दुल खानबीच भेटवार्ता, उद्याेग मन्त्रालय पाउने सम्भावना बढ्याे
अमेरिकामा आँधीः पाँच जनाको मृत्यु
नेपाल तेस्रो देशका नागरिकहरूको अखडा बन्यो : सांसद पन्त
भारतलाई युरोपसँग जोड्ने आर्थिक कोरिडोर ‘निर्णायक’ हुनेछ : भारतीय वित्तमन्त्री सीतारमण
