टिकटकमाथि प्रतिबन्ध लगाउने अमेरिकाकाे धम्की

काठमाडौं । लोकप्रिय भिडियो एप टिकटकले अमेरिकी सरकारले आफ्ना चिनियाँ मालिकहरूलाई कम्पनीको शेयर बेच्न भनेको अन्यथा अमेरिकामा प्रतिबन्ध लगाउन सक्ने बताएको दाबी गरेको छ ।

समाचार एजेन्सी रोयटर्सले टिकटकका प्रवक्तालाई उद्धृत गर्दै यो जानकारी दिएको हो । अमेरिकामा टिकटकका १० करोडभन्दा बढी ग्राहक छन्।

अमेरिकाले लामो समयदेखि टिकटकले अमेरिकी उपभोक्ताको डाटा चिनियाँ सरकारसँग साझेदारी गरेको आरोप लगाउँदै आएको छ। यस सम्बन्धमा विगतमा पनि अमेरिकी सरकारसँग कम्पनीको सम्बन्ध तनावपूर्ण अवस्थाबाट गुज्रिरहेको छ ।

२०२० मा, टिकटकलाई पूर्व राष्ट्रपति डोनाल्ड ट्रम्पको शासनकालमा प्रतिबन्ध लगाइएको थियो। तर, पछि अमेरिकी अदालतले सरकारको उक्त निर्णयलाई अस्वीकार गरेको थियो ।

वर्तमान बाइडेन प्रशासनको कार्यकालमा पहिलो पटक टिकटकमा प्रतिबन्धको धम्की आएको छ।