स्मिथ अष्ट्रेलियाको बेन्चमा

एजेन्सी – अष्ट्रेलियाले अनुभवी खेलाडी स्टिभ स्मिथलाई वेस्टइन्डिजसँगको पहिलो टि२० आई खेलमा बेन्चमा राखेको छ ।

क्विन्सल्यान्डमा अष्ट्रेलियाका कप्तान आरोन फिन्चले टस जितेर पहिला फिल्डिङ गर्ने निर्णय लिएका छन् । अष्ट्रेलियाको टोलीमा अनुभवी ओपनर डेविड वार्नर, मिचेल मार्श र तीव्र गतिका बलर मिचेल स्टार्क फर्किदा स्टिभ स्मिथलाई भने बेन्चमा राखेको छ । भारत भ्रमणमा सानदार प्रदर्शन गरेका अलराउन्डर क्यामरन ग्रीनलाई भने निरन्तरता दिएको छ ।

स्मिथ भारतसँगको तीन टि२० आई खेलको सिरिजमा क्रमश : ३५, ८ र ९ रनमा आउट भएका थिए । तर अनुभवी अलराउन्डर मिचेल मार्श तेस्रो नम्बरमा फर्किएपछि स्मिथ बेन्चमा बस्नु परेको हो । अष्ट्रेलिया र वेस्टइन्डिजबीच दुई टि२० आई खेलको सिरिज हुनेछ ।

वेस्टइन्डिजको प्लेइङ ११ :

ब्रेन्डन किंग, जोनसन चाल्र्स, काइल मेयर्स, निकोलस पुरन (कप्तान), रोभम्यान पावेल, जेसन होल्डर, ओडेन स्मिथ, रायमन रिफर, यानिक कारिहा, अल्जारी जोशेफ र शेल्ड्रन कटरेल ।

अष्ट्रेलियाको प्लेइङ ११ :

डेविड वार्नर, क्यामरन ग्रीन, मिचेल मार्श, आरोन फिन्च (कप्तान), ग्लेन म्याक्सवेल, टिम डेविड, म्याथ्यु वेड, मिचेल स्टार्क, प्याट कमिन्स, एडम जाम्पा र जोश हेजलवुड ।