एजेन्सी । विश्वमा स्मार्टफोनको सबैभन्दा ठूलो बजारको रुपमा रहेको चीनमा आइफोनको बिक्री उल्लेख्य मात्रामा घटेको छ।
हालै सार्वजनिक एक रिपोर्ट अनुसार सन् २०२४ को पहिलो ६ हप्तामा चिनियाँ बजारमा आइफोन बिक्री २४ प्रतिशतले घटेको हो ।
यो तथ्यांकले एप्पल तथा अन्य पश्चिमा प्रविधि कम्पनीहरुका लागि महत्वपूर्ण बजार झनै समस्याग्रस्त बनेको देखाएको छ।
काउन्टर प्वाइन्ट रिसर्चका अनुसार यस अवधिमा चीनमा समग्र मोबाइल फोन बजारमा ७ प्रतिशतको गिरावट आएको छ र एप्पल, ओप्पो तथा भिभो लगायतका कम्पनीले गिरावटको सामना गर्नुपरेको छ।
तथापि सुस्ताएको चिनियाँ अर्थतन्त्र तथा राष्ट्रवाद र व्यापार तनावका बीच एप्पलले भने वर्ष दिनदेखि नै चीनमा समस्या भोगिरहेको छ । आइफोन प्रयोगकर्ताहरु अहिलेको लागि पुरानै पुस्ताको आइफोनले काम चलाउने मनस्थितिमा पुगे ।
योसँगै एप्पल कम्पनीको शेयर मूल्यमा मंगलबार २.८ प्रतिशतको गिरावट आयो । खासगरी चीनमा कमजोर बन्दै गएको आइफोनको बिक्रीका बीच यो वर्ष एप्पल कम्पनीको शेयर मूल्यमा ११.६ प्रतिशतले गिरावट आइसकेको छ ।
स्मरण रहोस् एप्पलका लागि चीन निकै महत्वपूर्ण तथा अमेरिकापछिको सबैभन्दा ठूलो बजारको रुपमा रहेको छ ।
यसअघि गतवर्ष नयाँ डिभाइस लञ्चका बेला एप्पलले उच्च आम्दानी गर्ने गरेको थियो । साथै कम्पनीले मन्दीमा केही सुधार गर्ने अभिप्रायले आइफोनको मूल्यमा छुटको अफरलाई पनि निरन्तरता दिने गरेको छ । सिएनएनबाट
Related posts:
फिलिपिन्सको पानीजहाजमा आगो लाग्दा बाह्र जनाको मृत्यु
संयुक्त राष्ट्रसङ्घद्वारा अफगानिस्तान सङ्कटबारे तालिवानको अनुपस्थितिमा नै कतारमा वार्ता
अमेरिकाले चिनियाँ पनडुब्बीहरूको शिकार गर्न नयाँ हतियार विकास
चिनियाँ ह्याकरहरूले अमेरिकी सरकारी इमेलमा आक्रमण गरेको खुलासा
