एजेन्सी । प्यालेस्टाइन समर्थित लडाकु समूह हमासले इजरायलको तेल अभिभ र जेरुसलमा रकेट प्रहार गरेको छ ।
राजधानी शहरमै रकेट प्रहार भएपछि इजरायलका प्रधानमन्त्रीदेखि मन्त्री तथा सांसदहरु बम प्रतिरोधी बंकरमा आश्रय लिन बाध्य भएका छन् । इजरायलका प्रधानमन्त्री बेन्जामिन नेतान्याहु र इजरायल भ्रमणमा रहेका अमेरिकी बिदेशमन्त्री एन्टोनी ब्लिंकन बंकर भित्र लुकेको अन्तराष्ट्रिय सञ्चारमाध्यमहरुले जनाएका छन् । ब्लिंकन इजरायलको रक्षा मन्त्रालयमा आयोजना गरिएको बैठकमा सहभागी भएकै बेला साइरन बजेपछी ५ मिनेट बंकरमा लुक्न बाध्य हुनुभएको हो ।
हमासको आक्रमणविरुद्ध इजरायलले पनि जवाफी कारबाही जारी राखेको छ । राष्ट्रसंघका सहायता प्रमुख मार्टिन ग्रिफिथ्सले गाजाको स्वास्थ्य प्रणाली पुरै तहसनहस भईसकेको जनाएका छन् । ग्रिफिथ्सले गाजापट्टीमा घेरामा परेकाहरुलाई मानबीय सहयोगका लागि पनि अपील गरेका छन् ।
उता बिश्व स्वास्थ्य संगठन डब्ल्युएचओले गाजामा इजरायलले बमबारी जारी राख्दा आगामी २४ घण्टाका लागि मात्रै पानी, बिजुली र इन्धन बाँकी रहेको जनाएको छ । गाजाका स्वास्थ्य अधिकारीहरुका अनुसार इजरायली आक्रमणमा गाजातर्फ २ हजार ८ सय बढीको मृत्यु भइसकेको छ भने १० हजार ८ सय बढी घाइते भएका छन् ।
हमासले २ सय देखि २५० जनालाई बन्धक बनाएको दाबी गरे पनि इजरायले १९९ जनालाई बन्धक बनाएको बताएको छ । इजरायली हमलाका कारण गाजाबाट विस्थापित भएका लाखौं सर्वसाधारण इजिप्टको सीमा क्षेत्रमा जम्मा भएका छन् । इजिप्टले सीमा खोल्न भने अझै मानेको छैन ।
Related posts:
अमेरिकी क्लाउड कम्प्युटिङ सेवामा चिनियाँ कम्पनीहरूको पहुँचमा प्रतिबन्ध लगाउने तयारी
चीनको बीआरआईका कारण विश्वभर वातावरणमा नकारात्मक प्रभाव बढ्दो
भारतले आज विशाल रकेट चन्द्रमातर्फ प्रक्षेपण गर्दै
रियल इस्टेटमा सुधार नआए चीनको अर्थतन्त्रलाई संकटमा पर्ने आइएमएफको चेतावनी
