एशियन खेल अन्तर्गत महिला भलिबलमा नेपालको जित

२० असाेज,काठमाडौं । एशियन खेल अन्तर्गत महिला भलिबलमा मंगोलियामाथि नेपालले जित हासिल गरेको छ ।

शनिबार ११ औं स्थानका लागि भएको खेलमा नेपालको महिला टिमले मंगोलियालाई ३–२ को सेटमा पराजित गरेकाे हाे । पहिलो सेट १७–२५ ले गुमाएको नेपालले दोस्रो र तेस्रो सेट २५–१८ र २५–२१ ले हात पारेको थियो ।

चौथो सेट २५-१८ ले गुमाएको नेपालले अन्तिम सेटमा १५–१२ को स्कोर निकाल्दै रोमाञ्चक जित दर्ता गरेको हो । मंगोलियालाई पराजित गर्दै नेपालको महिला भलिबल टिमले एशियानमा ११ औं स्थान हासिल गरेको छ ।