एमाले कर्णली प्रदेशको नेतृत्व चयनका लागि आज मतदान हुँदै

१३ असाेज, काठमाडौं । नेकपा एमाले कर्णाली प्रदेशको नयाँ नेतृत्व चयनका लागि शनिबार मतदान हुने भएकाे छ।

शनिबार दिउँसो साढे १२ बजेदेखि मतदान सुरु हुने निर्वाचन मण्डलले जनाएको छ । प्रदेशको अध्यक्षका लागि पाँच जनाले उम्मेदवारी दर्ता गराएका छन् ।

स्थायी कमिटी सदस्य यामलाल कँडेल समूहबाट सल्यानका गुलावजंग शाह र अर्का स्थायी कमिटी सदस्य गोरख बोगटीे समूहबाट कालीकोटका मिनबहादुर शाहीले प्यानल नै बनाएर चुनावी मैदानमा होमिएका छन् ।

त्यस्तै, कर्णालीका राजबहादुर शाही, प्रेमबहादुर सिंह र प्रकाश रोकायाले पनि अध्यक्षमा उम्मेदवारी दर्ता गराएका छन् । अध्यक्षका पाँच उम्मेदवारमध्ये तीन जना कालीकोट जिल्लाका हुन् ।

मिनबहादुर शाहीविरुद्ध प्रेमबहादुर सिंह र प्रकाश रोकाया मैदानमा उत्रिएका हुन् ।