कृषिलाई व्यवसायमय बनाउदै : अध्यक्ष गुरुङ

२७ भदौ, काठमाडौँ । लमजुङ जिल्लामा अवस्थित क्होलासोथार गाउँपालिका वडा नं। १ का वडा अध्यक्ष चन्द्र बहादुर गुरुङ स्थानीय तहको निर्वाचनमा अत्यन्त बहुमत ल्याएर अध्यक्ष पदमा पुन : निर्वाचीत हुनुभयो ।

क्होलासोथार गाउँपालिका वडा नं. १ मा अहिले विकासले मुहार फेरिरहेको छ । जनप्रतिनिधिले चाहेको खण्डमा वडाको विकास गर्न कुनै कठिनाइ हुँदैन भन्ने कुराको ज्वलन्त उदाहरण बनेका छन् वडा अध्यक्ष चन्द्र बहादुर गुरुङ ।

क्होलासोथार गाउँपालिका वडा नम्बर १ बालमैत्रि वडा भनेर पनि चिनिने वडा पनि हो । जनताको विकास र समृद्धिको लागि वडामा धेरै काम गरेको उहाँले बताउनुभयो ।

उहाँ अघिल्लो कार्यकालमा पनि निर्वाचित हुनुभएको थियो भने गत वर्ष वैशाख महिनामा सम्पन्न स्थानिय तहको निर्वाचनमा पनि जनताको रोजाइमा पर्न सफल जनताको मन मस्तिष्कमा बस्न सफल भई पुनः निर्वाचित हुनुभएको छ ।

स्थानीय तहको निर्वाचित पछि वडामा शिक्षा, स्वास्थ्य, सडक, कृषि, खानेपानी, सरसफाई, धार्मिक,सांस्कृतिक,विद्युत तथा भौतिक पुर्वाधार विकास निमार्णका योजना तथा कार्यक्रमहरुमा बजेट विनियोजन गरेको वडा अध्यक्ष गुरुङले बताउनुभयोे ।
।
वडा अध्यक्ष गुरुङ भन्नुहुन्छ, “हामीले उपभोक्ता समिती मार्फत् काम गरीरहेका छौ, केही योजनाका कामहरु सम्पन्न हुन लागेको छ भने केही काम सुरु हुन लागेको छ ।

उहाँले भन्नुभयो, ” वडामा पहिलो प्राथमिकता बाटोलाई दिदै वडामा रहेका सबै टोल टोलको बाटोलाई स्तरउन्नति गर्दै मोटर बाटोको ढलान गर्ने कामहरु सम्पन्न भएको छ । “

शिक्षाको क्षेत्रमा शैक्षिक गुणस्तर ल्याउनको लागि वडामा रहेका सामुदायिक विद्यालयमा अध्यन गर्ने बालबालिकाहरुलाई निशुल्क खाजाको व्यवस्था गरेको वडा अध्यक्ष गुरुङले बताउनुभयो ।

उहाले भन्नुभयो, ” कृषिलाई व्यवसायमय बनाउनको लागि कृषि पकेटको लागि मौरीको पकेट, गाई, भैसी, भेडा,बाख्राको पकेट निमार्ण गर्ने योजनामा रहेको र आलु खेतिको लागि टनेलको व्यवस्था गरेको उहाँको भनाई छ ।”

त्यसै गरी महिलाहरुलाई लक्षित गर्दै महिला सशक्तिकरणको लागि विभिन्न सिपमुलक तालिमहरु सिलाई कटाई, अचार बनाउने तालिम र उद्घोषक तालिमको व्यवस्था गरेको वडा अध्यक्ष गुरुङले बताउनुभयो ।

जेष्ठ नागरिक तथा अपांगहरुको लागि सम्मान कार्यक्रमहरु सम्पन्न गरेको उहाँले जानकारी दिनुभयो ।
उहाँले भन्नुभयो, “खानेपानीको क्षेत्रमा विशेष जोड दिदै सम्पुर्ण वडाबासीहरुको घरघरमा धारा पुराउने कामहरु सम्पन्न भएको छ ।”

उहाँले भन्नुभयो, ” स्रोत साधनले भ्याएसम्म वडाको समग्र क्षेत्रलाई समेटे्दै निरन्तर कामहरु अगाडि बढाईरहेको छ ।”

वडा अध्यक्षमा निर्वाचित हुदाँ कस्तो अनुभुति भयो ?

मलाई वडाबासीहरुले विश्वास गररे वडा अध्यक्षमा जिताउनुभयो । जनताको मतबाट निर्वाचित हुदाँ निकै खुसी लाग्यो । जुन विश्वास जनताले मलाई गर्नुभएको छ ,त्यो विश्वासलाई म निराश हुन दिनेछैन । जनताको चाहाना अनुसार काम गरेर देखाउने अठोट मैले गरेको छु ।

अन्त्यमा वडाबासीहरुलाई के भन्न चाहानुहुन्छ  ?

वडा नम्बर १ का स्थानिय वडाबासीहरु प्रति पुर्ण आभारी छु । मलाई अमुल्य भोट दिएर वडा अध्यक्षमा जिताउनु हुने सम्पुर्ण वडा नम्बर १ वडाबासीहरुलाई विशेष धन्यवाद दिन चाहान्छु ।
जसरी जनताले म प्रति विश्वास गर्नु भएको छ ,जनताको त्यो विश्वासलाई टुट्न दिनेछैन । वडाको चौतर्फी विकासको लागि वडामा म सदैब लागि परिरहने छु ।