काठमाडाैं । डा. सीके राउत राष्ट्रिय अध्यक्ष रहेको जनमत पार्टीले सर्लाही जिल्लाको बलरा नगरपालिका स्थित छतौनामा “बृहत् पार्टी प्रवेश तथा विशाल आम सभा कार्यक्रम” भव्यताका साथ सम्पन्न गरको छ ।
सर्लाही जिल्लाको प्रभावशाली नेता हरिनारायण यादव,राकेश कुमार मिश्रा लगायत ३५१ भन्दा बढी नेताकार्यकर्ताहरु विभिन्न पार्टी परित्याग गरी जनमत पार्टीमा प्रवेश गरेका छन । नवप्रवेशीहरुलाई जनमत पार्टीका राष्ट्रिय अध्यक्ष डा. सीके राउत ज्यूले अबिर-टिका माला लगाई प्रवेश गराउनु भयो ।
प्रमुख दल तथा जसपा का शिर्ष नेताहरुले भ्रष्टाचार गर्न र जनताको पैसा लुटने कार्यमा एकमत हुने गर्छन् । साथै दलिय भागबन्डा र मन्त्री पदको भागबन्डाको लागि मात्रै सहकार्य-सहमति गर्ने गरेका छन । देशको आर्थिक अवस्था तहस-नहस भएको, गरिबी बढदै गएको, शिक्षा-स्वास्थ्य-रोजगारीको क्षेत्रमा विकाराल समस्या रहेको विषयमा कहिल्यै पनि चर्चा, सहकार्य सहमति हुने गरेको छैन । उक्त कार्यक्रम लाई सम्बोधन गर्दै डा. राउतले पुरानो पार्टीका शिर्ष नेतहरु तथा पार्टीको चरित्रको बारेमा भण्डाफोर गर्नु भयो ।
मधेस प्रदेशमा जनमत पार्टीबाट मन्त्री बनेकाहरु जनताको पक्षमा द्रुत गतिमा काम गरिरहेका छन । जनमत पार्टीका मन्त्रीहरुको काम देखेर विपक्षी पार्टीका नेताहरुलाई पचेको छैन । जनमत पार्टीका मन्त्रीहरुलाई काम गर्न नदिने मनसायले जसपाका मुख्य मन्त्रीले अवरोध गर्न खोजेको छ ।
जनमत पार्टीले जनताको हकहितमा काम गरेपछि सीके राउतले मधेसमा ठुलो नाम कमाउनेछ भने संकिर्ण सोचबाट मुक्त हुन आग्रह समेत गर्नुभयो । जनमत पार्टी जनताको हकहितमा काम गर्न आएको छ र काम गर्नेछन् । जनमत पार्टी मधेस र देशको अन्तिम आशाको केन्द्र बिन्दु बनेको छ ।
जनमत पार्टी भ्रष्टाचारको विरुद्धमा आवाज उठाउने पहिलो पार्टी रहेकोले भ्रष्टाचारको विरुधमा खबरदारी गर्दै भ्रष्टाचारीहरुलाई करवाही गराउन आन्दोलन समेत गर्नेछन् । त्यसैले जनमत पार्टीमा प्रवेश गर्न ढिलो नगर्नुहोस् अन्तमा थप्नुभयो।
