भारतको औपचारिक भ्रमणमा रहेका प्रधानमन्त्री पुष्पकमल दाहाल ‘प्रचण्ड’ र उनका समकक्षी नरेन्द्र मोदीबीच भेटवार्ता भएको छ।
आइतबार बेलुका भएको भेटमा प्रधानमन्त्रीले लगातार तेस्राे कार्यकालका लागि भारतको प्रधानमन्त्रीको पदभार ग्रहण गरेकाेमा समकक्षी मोदीलाई बधाई दिँदै उनको तेस्राे कार्यकालमा नेपाल र भारतबीचको सम्बन्ध थप उचाइमा पुग्ने विश्वास व्यक्त गरे।
भेटमा उनीहरूबीच नेपाल–भारतबीच रहिआएको आपसी सम्बन्ध र द्विपक्षीय हितका विविध विषयमा छलफल भएको थियो। सो अवसरमा उनीहरूबीच विगतमा भएका समझदारी एवं सम्झौताहरूको कार्यान्वयनबारे छलफल भएको थियो।
प्रधानमन्त्री प्रचण्ड आइतबार साँझ प्रधानमन्त्री मोदीको शपथग्रहण समारोहमा सहभागी भएका थिए। उनी आइतबार नै भारतको नयाँदिल्ली प्रस्थान गरेका थिए। प्रधानमन्त्री प्रचण्ड आज साँझ स्वदेश फर्किने कार्यक्रम छ।
PM @narendramodi met with visiting leaders including Rt. Hon’ble Prime Minister of Nepal @cmprachanda after the swearing-in ceremony. He thanked them for gracing the occasion & reaffirmed India’s commitment to its ‘Neighbourhood First’ policy. (1/3) pic.twitter.com/Urwmxg2S7j
— IndiaInNepal (@IndiaInNepal) June 10, 2024
