नयाँ दिल्ली । भारतीय अन्तरिक्ष अनुसन्धान सङ्गठन (इसरो) का अध्यक्ष एस सोमनाथले चन्द्रमा, मङ्गल र शुक्र ग्रहको यात्रा गर्न भारत सक्षम रहेको बताएका छन् ।
दक्षिणी राज्य केरलाको तिरुवनन्तपुरममा पत्रकारहरूसँग कुरा गर्दै उनले भारतसँग जुनसुकै ग्रहमा पुग्नसक्ने सामर्थ्य रहेको बताए ।
इसरोका वैज्ञानिकको आत्मविश्वास बढाउन आवश्यक भएको उल्लेख गर्दै उनले प्रधानमन्त्री नरेन्द्र मोदीले प्रस्तुत गरेको लक्ष्य पूरा गर्न इसरो तयार रहेको बताए । “हामीलाई थप लगानीको खाँचो छ, अन्तरिक्ष क्षेत्रको विकास गर्नुपर्छ र यसबाट सिङ्गो राष्ट्रको विकास गर्नुपर्छ, त्यो हाम्रो लक्ष्य हो,” उनले भने ।
यसअघि शनिबार नै प्रधानमन्त्री नरेन्द्र मोदी अर्को दक्षिणी राज्य कर्णाटकको बेङ्गलुरुमा रहेको इसरोको मुख्यालयमा पुग्दा उनलाई भव्य स्वागत गरिएको थियो।
उनले तेस्रो चन्द्रयान अभियानमा संलग्न इसरोका महिला वैज्ञानिकका साथै अन्य वैज्ञानिकहरूको टोलीलाई भेटेर अबदेखि हरेक वर्ष अगस्ट २३ लाई राष्ट्रिय अन्तरिक्ष दिवसको रूपमा मनाइने घोषणा गरेका थिए ।
गत बुधबार साँझ चन्द्रमाको दक्षिण ध्रुवमा चन्द्रयान–३ सफलतापूर्वक अवतरण भएको थियो । यससँगै चद्रमाको दक्षिणी ध्रुवमा यान अवतरण गराउने भारत पहिलो देश बनेको छ ।
Related posts:
इरानद्वारा युएईका लागि राजदूत नियुक्त
चीनका केन्द्रीय बैंकका गभर्नरले दिए सेवानिवृत्ति अघि आर्थिक संकटको चेतावनी
आफ्ना तीन सन्तानलाई झुन्ड्याएर मारेपछि आत्महत्या
छत्तीस हजारको हताहतिसँगै अब टर्कीए र सिरियाका भूकम्पपीडितको सहयोगमा विश्व समुदायको ध्यान केन्द्रित
