एनपी साउद

१३ असाेज, काठमाडौं । परराष्ट्रमन्त्री एनपी साउदले प्रधानमन्त्री पुष्पकमल दाहालको चीन भ्रमण पूर्ण रूपमा सफल भएको दावी गर्नुभएको छ । मन्त्री साउदले आर्थिक र कूटनीतिक दृष्टिकोणले प्रधानमन्त्रीको भ्रमण सफल भएको बताउनुभएकाे हाे । चीनका राष्ट्रपति सि जिनपिङ र प्रधानमन्त्री लि छ्याङसँग भएका द्विपक्षीय भेटवार्ता महत्वपूर्ण भएको उहाँको भनाई थियो । उहाँले दुई देशकाबीच भएका समझदारी र सम्झौताहरू पनि नेपालको हित, आर्थिक विकासका पक्षमा रहेको बताउनुभयो । उहाँले चीनले नेपाललाई उपलब्ध गराउने अनुदान कार्यक्रमलाई प्रभावकारी ढङ्गबाट अघि बढाउने सहमति भएको पनि बताउनुभयो । दुई देशबीच भएका १३ वटा सम्झौता र सबै नाका खोल्ने सहमतिको परिणाम आगामी दिनमा नेपालको हितमा आउनेमा उहाँले…