आइसीसी विश्वकप क्रिकेटमा इंग्ल्याण्ड पराजित

१० कार्तिक,काठमाडौं। भारतमा जारी आइसीसी विश्वकप क्रिकेट २०२३ मा श्रीलंकाले इंग्ल्याण्डलाई ८ विकेटले पराजित गरेको छ ।

बिहिबार भारतको बेंगलोरस्थित केएम.चिन्नास्वामी रंगशालामा भएको खेलमा श्रीलंकाले इंग्ल्याण्डलाई ८ विकेटले पराजित गरेको हो । यसले श्रीलंकाको सेमिफाइनल प्रवेशको आफ्नो झिनो सम्भावनालाई जीवित राखेको छ । इंग्ल्याण्डको सम्भावना लगभग समाप्त हुने संघारमा पुगेको छ ।

पहिले ब्याटिङ गरेको इंग्ल्यान्डले ३३.२ ओभरमा १ सय ५६ रनसम्म मात्र बनाएको थियो। जवाफमा श्रीलंकाले २५.४ ओभरमा दुई विकेट गुमाएर १ सय ६० रन बनाएकाे थियाे ।