१४ कार्तिक, काठमाडौं । नेपाल भ्रमणमा रहेका संयुक्त राष्ट्रसंघका महासचिव एन्टोनियो गुटेरेसले राष्ट्रिय सभा अध्यक्ष गणेशप्रसाद तिमिल्सिनासँग भेट गर्नुहुने भएकाे छ।
मंगलबार दिउँसो ४ बजे प्रतिनिधि सभा र राष्ट्रियसभालाई सम्बोधन गर्नुअघि महासचिव गुटेरेसले अध्यक्ष तिमिल्सिनासँग भेट गर्नुहुने भएकाे हाे ।अध्यक्ष तिमिल्सनाको सचिवालयका अनुसार गुटेरेस लुम्बिनीबाट काठमाडौं फर्किए लगत्तै मंगलबार दिउँसो ३ बजे सिंहदरबारस्थित अध्यक्ष तिमिल्सिनाको कार्यकक्षमा पुगेर भेट गर्ने कार्यक्रम रहेको छ ।
३ दिने औपचारिक नेपाल भ्रमणमा आएका महासचिव गुटेरेसले मंगलबार संघीय संसदमा सम्बोधन गर्नुहुने भएकाे हाे । गुटेरेसले सम्बोधन गर्ने भएकोले मंगलबारको संसदमा संवैधानिक निकायका पदाधिकारीलगायत अन्य उच्च पदस्थ व्यक्तिहरूलाई पनि उपस्थितिका लागि निमन्त्रणा दिइएको छ ।
आइतबार बिहान नेपाल आइपुगेका महासचिव गुटेरेस मंगलबार बिहान अन्नपूर्ण आधारशिविर पुगेर लुम्बिनीको अवलोकन सकेर संसदलाई सम्बोधन गर्न आइपुग्ने कार्यक्रम तय भएकाे छ ।
Related posts:
द्विपक्षीय सम्बन्धविस्तारका लागि आपसी चासोलाई ध्यान दिनुपर्छ : उपप्रधानमन्त्री श्रेष्ठ
एमालेबाट निर्वाचित जनप्रतिनिधि जिल्ला अध्यक्ष र सचिवमा उम्मेदवार बन्न नपाउने
राष्ट्रपति र प्रधानमन्त्रीबीच भेटवार्ता
सरकारी विज्ञापन एकद्वार प्रणालीबाट व्यवस्थापन गर्ने तयारीमा छौँ : मन्त्री शर्मा
