१९ असाेज, काठमाडाैं । माहाकुलुङ गाउँपालिका नेपालका ७ सय ५३ स्थानीय तहमध्ये एक हो ।
यो प्रदेश नं. १ को सोलुखुम्बु जिल्लामा पर्छ । तत्कालिन बुङ, छेस्काम र गुदेल गाविस समेटेर माहाकुलुङ गाउँपालिका बनाइएको हाे । मेरापिक, सिलुछो डाँडा, केन्पा डाँडाको तीनतिर सीमा रहेको यो गाउँपालिका ६४८.०५ वर्ग किलो मिटरमा फैलिएर २७.३७’ देखि २७.६२’ उत्तरी अक्षांश र ८६.५०’ देखि ८६.८४’ पूर्वी देशान्तरमा अवस्थित रहेको छ ।
वि.सं. २०६८ को जनगणना अनुसार ११ हजार ४ सय ५२ जनसंख्या रहेको यस गाउँपालिकालाई ५ वडामा विभाजन गरिएको छ । यस गाउँपालिकाको सीमाना पूर्वमा संखुवासभा जिल्ला, पश्चिममा खुम्बु पासाङल्हामु र सोताङ गाउँपालिका, उत्तरमा खुम्बुपासाल्हामु गाउँपालिका तथा दक्षिणमा खोटाङ र भोजपुर जिल्लासँग जोडिएको छ ।
२७ फाल्गुन २०७३ मा स्थापित यस गाउँपालिकाको केन्द्र साविकको बुङ गाविस कार्यालयमा राखिएको छ । किरात, बौद्ध र हिन्दु धर्मावलम्बीहरुको बसोबास रहेको यहाँ किरात समुदायको बाहुल्यता रहेको छ ।
माहाकुलुङ गाउँपालिका-३ का वडा अध्यक्ष दुर्गा बहादुर राईले युवा वर्ग विदेश र मुख्य शहरमा गएका कारणले बारी बाँजाे रहेकाे बताउनुभएकाे छ । उहाँले वडा खबरसँग कुरा गर्दै एउटा मावि र सात वटा आधारभूत सामुदायिक विद्यालय वडामा रहेकाे बताउनुभएकाे हाे। सामुदायिक विद्यालयकाे शैक्षिक गुणस्तरकाे सुधार गर्ने प्रयास भइरहेकाे उहाँले बताउनुभयाे । स्वास्थ्य क्षेत्रमा दक्ष कर्मचारीकाे अभाव रहेकाे पनि उहाँले बताउनुभयाे ।
युवा लक्षित राेजगारीका लागि याेजना भइरहेकाे पनि उहाँकाे भनाइ छ। पर्यटकीय क्षेत्रलाई अघि बढाउने पहल भइरहेकाे उहाँले बताउनुभयाे । खानेपानीकाे काम ६० प्रतिशत सम्पन्न् भएकाे उहाँकाे भनाइ छ। दूधकाेशी खाेलाकाे पुल बाढीले बगाएका कारण सडक संचालनमा समस्या भएकाे उहाँले बताउनुभयाे ।
साथै शिक्षा, स्वास्थ्य, खानेपानी, यातायात, कृषि, सडक,पर्यटन र विद्युत लगायतका क्षेत्रमा पनि काम भइरहेकाे उहाँले बताउनुभएकाे हाे । कृषि क्षेत्रमा परम्परागत तरिकाले नै खेती लगाउने गरिएकाे पनि उहाँले बताउनुभयाे ।
जनताका आधारभूत आवश्यकताई पूरा गर्ने लक्ष्यका साथ अघि बढेकाे उहाँकाे तर्क छ । साथै आर्थिक वर्ष २०८०/०८१ को बजेट मार्फत वडा नम्बर ३ लाई पालिकाले ८० लाखकाे बजेट सिलिङ गरेकाे उहाँले बताउनुभयाे। बजेट अभावका कारणले विकास निर्माणका याेजनाहरू पूरा गर्न कठिनाइ हुने पनि उहाँकाे भनाइ छ ।
अन्त्यमा निर्वाचनकाे समयमा जनताकाबीचमा गरेका प्रतिवद्धता पूरा गर्ने लक्ष्य रहेकाे अध्यक्ष राईकाे दावी छ।
