काठमाडौं । भारतमा क्रोमबुक उत्पादन गर्न एचपी र गुगलबीच सहकार्य भएको छ । भारत सरकारको ‘मेक इन इन्डिया’ अभियानलाई साथ दिंदै दुई कम्पनीले यस्तो सहकार्य थालेका हुन् ।
क्रोमबुक चेन्नई नजिक रहेको फ्लेक्स फेसिलिटी नजिकै उत्पादन गरिनेछ, जहाँ एचपीले सन् २०२० देखि ल्यापटप र डेस्कटप बनाउँदै आएको छ । एचपी क्रोमबुकको उत्पादन २ अक्टोबर २०२३ देखि सुरु हुनेछ, शैक्षिक क्षेत्रमा रहेको सस्ता कम्प्युटरको मागलाई यसले सम्बोधन गर्नेछ ।
क्रोमबुकमा क्रोम अपरिटिङ सिस्टम (क्रोम ओएस) राखिएको छ भने त्यसमा बिल्ट इन एक्सेसिबिलिटी र कक्षा कोठाको सम्पर्क तथा प्रयोगकर्ताको सूचना सुरक्षित राख्ने फिचर समेत दिइएको छ । एचपी र गुगलबीचको यो सहकार्यले विद्यालयहरूमा प्रविधि आत्मसाथ गर्ने कार्यलाई बढावा दिने उद्देश्य राखेको छ।
जसले शैक्षिक क्षेत्रमा डिजिटल रूपान्तरण ल्याउने अपेक्षा गरिएको छ । जहाँ ल्यापटपको कुरा आउँछ, त्यहाँ अझै पनि गुगल क्रोमबुक विशेष उत्पादनको रूपमा स्थान बनाउँदै आएको छ ।
दुवै कम्पनीले यो सहकार्यलाई मेक इन इन्डिया प्रतिको आफूहरूको प्रतिवद्धताको पुनः पुस्टि भएको उल्लेख गरेका छन् । एचपीको तर्फबाट जारी गरिएको प्रेस विज्ञप्ति अनुसार यो सहकार्य भारतमा डिजिटल शिक्षाको पारिस्थितिक प्रणालीलाई अगाडि बढाउने दुवै कम्पनीको संयुक्त भिजन हो ।
शैक्षिक प्रशासन, विद्यालय र सङ्घसंस्थाहरूलाई सस्तो, सुरक्षित र उच्च गुणस्तरीय कम्प्युटिङ डिभाइस उपलब्ध गराएर थप विद्यार्थीको सिकाईमा अभिवृद्धि गर्न यसले सघाउनेछ । विश्वका ५० लाख विद्यार्थी र शिक्षकलाई सघाइरहेको क्रोमबुक कक्षा १ देखि १२ सम्मको शिक्षामा प्रमुख डिभाइसको रूपमा रहँदै आएको छ ।
गुगलले यसै महिनाको सुरुवातमा क्रोमबुक प्लेटफर्मले नियमित रूपमा १० वर्षसम्म स्वतः अपडेट प्राप्त गर्ने बताएको थियो, जुन आजको दिनसम्म कुनै पनि अपरेटिङ सिस्टमले जनाएको प्रतिबद्धता भन्दा धेरै हो ।
Related posts:
अमेरिकामा फ्लुका कारण उन्नाइस हजारभन्दा बढीको मृत्यु
पूर्व चिनियाँ नौसेना अधिकारीको ताइवानमा घुसपैठ, स्पीडबोट लिएर ताइपेई नजिक पुगे
स्विडेनले सेक्सलाई खेलकुदको श्रेणीमा राख्यो, यौन प्रतियोगिताको आयोजना हुँदै
के चीनकै कारण छिमेकमा अशान्ति छ ?
