अटो दुर्घटना

९ कार्तिक, काठमाडौं। मकवानपुरमा अटो दुर्घटना हुँदा ७ जना घाइते भएका छन् । दुम्सीडाँडाबाट हेटौंडातर्फ जाँदै गरेको ना २ ह ५१७४ नम्बरको अटो आफैं अनियन्त्रित भएर सडकबाट करिब ३० फिट तल खसेको जिल्ला प्रहरी कार्यालय मकवानपुरले जनाएको छ। घटनामा मकवानपुर गढी-७ सुकौराकी २३ वर्षीय मनिता मोक्तान, उनकी दुई महिनाकी छोरी जानुका जिम्बा, मकवानपुर गढी-७ का कृष्णबहादुर योञ्जन, उनकी छोरी ८ वर्षीय सारोक्षा योञ्जन, २६ वर्षीय दिलमाया योञ्जन, हिरामाया योञ्जनर र  विकाश योञ्जन मुक्तान घाइते छन् । घाइते मध्ये मनिताको छाति र बायाँ हातमा चोट लागेको छ भने उनकी दुई महिने छोरीको टाउकोमा चोट लागेकाले अवस्था गम्भीर रहेकाे प्रहरीकाे भनाइ छ।