रसुवा नाकाबाट तस्करी गर्ने चिनियाँ पक्राउ

काठमाडाैं । रसुवा नाकाबाट तस्करी गर्ने एक चिनियाँ पक्राउ परेका छन् ।

रसुवा प्रहरीले गोसाईकुण्ड गाउँपालिका–२ टिमुरेबाट भन्सार छलि ल्याउँदै गरेको विभिन्न कम्पनीको मोबाइल ३ थान र आइफोनको लोगो भएको आइफोनको ब्याट्री १५ थानसहित राहदानी नम्बर इइ ७७७५४३३ बाहक २७ वर्षीय चेन जुनसानलाई सोमबार दिउँसो पक्राउ गरेको हाे ।

ईलाका प्रहरी कार्यालय टिमुरेबाट खटिएको प्रहरीले पैदल आउँदै गरेका उनलाई जाँच गर्ने क्रममा भन्सार छलि ल्याएको करिब ४ लाख ७३ हजार रुपैयाँ बराबरको उक्त सामानसहित फेला पारी पक्राउ गरेको हो ।

बरामद सामानसहित उनलाई आवश्यक कारवाहीका लागि भन्सार कार्यालय टिमुरे रसुवामा बुझाइएको छ ।