समग्र वडाका विकास गर्दै अध्यक्ष गुरुङ

♠ हस्ता विष्ट

६ चैत्र, काठमाडाैँ । आँबुखैरनी गाउँपालिका तनहुँ जिल्लाको ऐतिहासिक, धार्मिक रुपले पवित्र भूमीको रुपमा रहेको छ । भौगोलीक रुपमा लेक, वेशी, पहाड भू बनोटको विविधता पाईन्छ । यस गाउँपालिकामा खेतीपाती योग्य भुमी, प्रशस्त मात्रामा वनजंगल ढाकेको छ ।

यस गाउँपालिकामा मुख्यत मगर, गुरुङ, ब्राह्मण, क्षेत्री लगायत अन्य विभिन्न जातजातिको बसोवास रहेको छ । जनजातिको बसोबासको बाहुल्यता रहेको यस गाउँपालिका भित्र विभिन्न जात, जाति, भाषा, धर्म, रितिरिवाज, परम्पराको विविधतामा एकता रहेको पाइन्छ साविकका एक नगरपालिका र दुई गाविसहरु ९आँबुखैरनी नगरपालिका, छिम्केश्वरी र देउराली गा .वि .स. समायोजन भई नेपाल सरकारको मिति २०७३.११.२७ गतेको निर्णयानुसार आँबुखैरेनी गाउँपालिकाको रुपमा गठन भई कार्यान्वयनमा आएको छ ।

गाउँपालिकाको केन्द्र आँबुखैरनी बजार मिलनचोकमा रहेको छ । पृथ्वी राजमार्गले आँबुखैरनी गाउँपालिकालाई विचवाट छिचलेको, र गोरखा राजमार्गले पूर्वपट्टीवाट काटेको छ । प्रदेश तथा केन्द्र राजधानी संग नजिक रहेको यस गाउँपालिका विकास र सम्बृद्धिको लागी प्रचुर संभावना रहेको एवं गाउँपालिका विकास र गाउँवासिको स्वर्णिम भविश्यको लागि विश्वस्त रहने प्रशस्त आधारहरु रहेको पाइन्छ ।

गण्डकी प्रदेश तनहुँ जिल्लामा अवस्थित आँबुखैरेनी गाउँपालिका वडा नं. १ का वडा अध्यक्ष प्रेम बहादुर गुरुङले स्थानीय तहको निर्वाचनमा अत्यन्त बहुमत ल्याएर अध्यक्ष पदमा निर्वाचीत हुनुभयो ।

आँबुखैरेनी गाउँपालिका वडा नं. १ मा अहिले विकासले मुहार फेरिरहेको छ । जनप्रतिनिधिले चाहेको खण्डमा वडाको विकास गर्न कुनै कठिनाइ हुँदैन भन्ने कुराको ज्वलन्त उदाहरण बनेका छन् वडा अध्यक्ष प्रेम बहादुर गुरुङ।

वडालाई नमुनाकै रुपमा स्थापना गर्न वडा अध्यक्ष गुरुङ अहोरात्र खटिरहनुभएको छ ।

वडा अध्यक्ष गुरुङ भन्नुहुन्छ, “ हामीले उपभोक्ता समिती मार्फत् काम गरीरहेका छौ, वडामा रहेका योजनाहरु मध्ये लगभग सम्पन्न भइसकेको र बाकीे रहेको कामहरु अन्तिम चरणमा पुगेकोे छ । ”

प्रेम बहादुर गुरुङ वडा अध्यक्ष निर्वाचित हुनुभन्दा पहिले विभिन्न संघसस्थामा आबद्ध भएर निरन्तर समाज सेवामा गरेर अहिले जनताको विकास र समृद्धिको लागि अहोरात्र खटिरहनुभएको छ ।

आँबुखैरेनी गाउँपालिका वडा नं. १ मा वडा र पालिकाबाट जम्मा बजेट २ करोड ५० लाख र प्रदेशबाट १ करोड लाख बजेट विनियोजन गरिएको वडा अध्यक्ष प्रेम बहादुर गुरुङले बताउनुभयो ।

उहाँ स्थानीय तह निर्वाचन पश्चात वडामा वडाबासीहरुको समस्याको समाधानका सार्थै विकास निर्माणका कामहरु गर्दै आउनुभएको छ ।

स्थानीय तहको निर्वाचित पछि वडामा स्वास्थ्य, सडक, कृषि, खानेपानी, सरसफाई, धार्मिक,सांस्कृतिक,विद्युत तथा भौतिक पुर्वाधार विकास निमार्णका योजना तथा कार्यक्रमहरुमा बजेट विनियोजन गरेको वडा अध्यक्ष गुरुङले बताउनुभयोे ।

वडा अध्यक्ष गुरुङले भन्नुभयो,  ” वडामा पहिलो प्राथमिकता स्वास्थ्यलाई दिए साथसाथै वडाको बजेट पनि धेरै स्वास्थ्यमा लगानि गरेर अस्पताल बनाउनको लागि बजेट विनियोजन गरिएको हो । ”

त्यसै गरी शिक्षाको क्षेत्रमा शैक्षिक गुणस्तर ल्याउनको लागि वडामा रहेको सामुदायिक विद्यालयको मर्मत सम्भार गर्ने, भौतिक संरचना निमार्ण गर्नको लागि बजेट विनियोजन गरेको वडा अध्यक्ष गुरुङले बताउनुभयो ।

उहाँले भन्नुभयो,  ” बाटोको क्षेत्रमा स्तरउन्नति गर्दै ग्राभेल गर्ने र लगभग धेरै बाटो कालोपत्रे गर्ने योजनामा रहेको छ । ”

त्यसै गरी कृषिको क्षेत्रमा मध्यनजर गर्दै कृषि उत्पादन बढाउनको लागि विभिन्न जडिबुटिको उत्पादन गर्नको लागि बजेट विनियोजन गरेको, दुधमा अनुदान दिएको र विभिन्न तरकारीको विउँ विजन वितरण गरेको उहाँले जानकारी दिनुभयो ।

खानेपानीको क्षेत्रमा एक घर एक धारा पुराउने अभियानका साथ वडाबाट बृहत रुपमा कामहरु अगाडि बढाईरहेको वडा अध्यक्ष गुरुङको भनाई छ ।

वडा अध्यक्ष गुरुङले भन्नुभयो,  ” महिलाहरुलाई लक्षित गर्दै विभिन्न सिपमुलक तालिमहरु सिलाई कटाई, गरगहना बनाउने जस्ता तालिमहरुको व्यवस्था गरेका छौ । ”

त्यसै गरी युवाहरुलाई लक्षित गर्दै वडास्तरीय खेलकुदको लागि सामाग्री वितरण गरेको र युवाहरु रोजगारको अवसर प्रदान गर्नको लागि विभिन्न उद्योग धन्दाहरु स्थापना गर्ने योजनामा रहेको उहाँले प्रष्ट पार्नुभयो ।

वडा अध्यक्ष प्रेम बहादुर गुरुङले भन्नुभयो, ” स्रोत साधनले भ्याएसम्म वडाको समग्र क्षेत्रलाई समेटे्दै निरन्तर कामहरु अगाडि बढाईरहेको छ । ”

पहिलो पटक वडा अध्यक्षमा निर्वाचित हुदाँ कस्तो अनुभुति भयो ?

मलाई वडाबासीहरुले विश्वास गररे वडा अध्यक्षमा जिताउनुभयो । जनताको मतबाट निर्वाचित हुदाँ निकै खुसी लाग्यो । जुन विश्वास जनताले मलाई गर्नुभएको छ ,त्यो विश्वासलाई म निराश हुन दिनेछैन । जनताको चाहाना अनुसार काम गरेर देखाउने अठोट मैले गरेको छु ।

अन्त्यमा वडाबासीहरुलाई के भन्न चाहानुहुन्छ, वडा नम्बर १ का स्थानिय वडाबासीहरु प्रति पुर्ण आभारी छु । मलाई अमुल्य भोट दिएर वडा अध्यक्षमा जिताउनु हुने सम्पुर्ण वडा नम्बर १ वडाबासीहरुलाई विशेष धन्यवाद दिन चाहान्छु । जसरी जनताले म प्रति विश्वास गर्नु भएको छ ,जनताको त्यो विश्वासलाई टुट्न दिनेछैन । वडाको चौतर्फी विकासको लागि वडामा म सदैब लागि परिरहने छु ।